[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’JEWELRY STORE GINRANSAK: P10-M ALAHAS GINTABAN’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Monday, February 26, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nakilala na ang tatlo ka mga suspek sa pagransak sa jewelry store sa sulod sang isa ka mall sa Guanco Street, City Proper nga natukiban alas-8:30 sa aga sadtong Sabado.
Nahibaluan nga nataban sang mga suspek ang balor P10 milyones nga mga alahas kag P70,000 nga cash gikan sa Aljun Jewelry Store nga ginapanag-iyahan ni Langlin Hu sa sulod sang Gaisano Guanco.
Sunu kay Senior Inspector Jose Val Ladublan, hepe sang Iloilo City Police Station 1, ginkilala sang wala ginhingadlan nga receptionist sang Iloilo City Corporate Inn nga malapit sa mall ang tatlo ka mga suspek nga sanday Kenneth Doyodoy, Madred Batnag kag Angelo Cariaga alyas Marvin Kasoy Tawanga, lunsay mga residente sang Mountain Province.
Naggwa man sa pag-usisa ni Ladublan nga una nga nag-check in sa hotel si Cariaga sadtong Pebrero 18 kag nagsunod lang ang duha ka upod sini sadtong Pebrero 20.
Natukiban man nga nag-check out ang mga ini sa hotel alas-cinco sa kaagahon sang Sabado bisan tubtob kahapon pa kontani ang ila ginbayaran.
Daku man ang pagpati ni Ladublan nga organisado nga grupo ang nagsulod kag nagtaban sang mga alahas kag kwarta sa jewelry store.
Base naman sa pag-imbestigar sang Scene of the Crime Operatives (SOCO), nag-agi ang mga suspek sa atop kon sa diin gin-utod nila ang galvanized iron kag nag-gamit sang lubid para makapanaog sa ika-apat nga panalgan sang mall kon sa diin nahamtang ang jewelry store.
May nakuha man ang SOCO nga latent prints sa jewelry store kag plano nila nga ipa-anggid ini sa nakuha nga latent prints sang mga suspek sa hotel.
Nahibaluan nga ang gwardiya sang mall nga si Christopher Gumayao ang nakasapo sa pagransak sang jewelry store sang nagbukas ang mall alas-8:30 sa aga sang Sabado./PB
[/av_textblock]
[/av_one_full]