[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Jing-jing Espinosa nagsungka ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagsungka na si barangay kagawad Jesus “Jing-jing” Espinosa Jr. sa korte alas-8:30 sang aga kahapon.
Natabo ini isa ka adlaw matapos nga ginpanawagan ni Police Regional Office 6 director Chief Supt. Jose Gentiles nga magsungka na sia kag duha ka adlaw matapos nga ginsalakay sang kapulisan ang iya balay sa Barangay Monica-Blumentritt, City Proper.
Nagpadulong si Espinosa sa Branch 31 sang Regional Trial Court sa Iloilo Hall of Justice kadungan sang hearing para sa pagkanselar sang iya piyansa angut sa gina-atubang niya nga kaso nga frustrated murder.
Upod niya ang iya abogado nga si Atty. Tranquilino Gali kag asawa nga si kapitan Kieth “Dabing” Espinosa kag ila mga kabataan.
Sang ginpamangkot sang mga katapo sang media kon ano ang nagtulod sa iya nga magsungka, sabat ni Espinosa, “I-serve ko ang sentence.”
Bangod sini, nag-isyu man kahapon si Branch 31 acting presiding judge Ma. Yolanda M. Panaguiton-Gaviño sang mando nga “the officials of Bureau of Jail Management and Penology (BJMP) Ungka, Jaro here to personally escort both accused Jesus Espinosa Jr. and Robinito Malaga and that the remittance of said accused be given to BJMP, Ungka, Jaro, Iloilo City.”
Si Espinosa kag si Malaga nga nagsungka man kahapon ang napamatud-an nga guilty kag kahimbon sa pagtiro kay Mark Serra sang Brgy. Monica sadtong Nob. 24, 2002.
Ang Court of Appeals 18th Division nagpapag-on pa gid sang desisyon sang RTC Branch 31 sa idalom sang nag-retiro nga si Judge Rene Hortillo kontra kay Espinosa nga napetsahan Hulyo 10, 2010.
Si Malaga ang ginpapanaogan sang silot nga pagka-priso sang walo ka tuig samtang si Espinosa ang ginpapanaogan sang silot nga anum ka bulan kag isa ka adlaw nga prision correccional ukon walo ka tuig kag isa ka adlaw sang prision mayor.
Ang duha ginmandoan man nga magbayad kay Serra sang P30,000 bilang temperate damages, P25,000 bilang moral damages, kag P25,000 bilang exemplary damages.
Pero ang sentensya sa duha na-atrasar nga i-serbe bangod nga ang huwes nga naga-uyat sa kaso ang nagretiro na. Nabukaran lamang liwat ang kaso sang nag-imbentaryo sang rekord ang korte.
Sa pihak nga bahin, gin-aku ni Espinosa nga nagpanago sia pero wala nagakahulogan nga nagpalagyo sia.
“Gapanago ako indi sa pulis kundi sa mga ginatawag nga vigilante, mga panatiko, once malapnag ka na sa pulis kag sa PDEA nga drug personality ka, ang ilang tuyo i-eliminate ka gid,” eksplikar ni Espinosa.
Nakabaton man sia tawag halin sa wala nakilal-an nga mga persona kag pamahog sa iya kabuhi paagi sa mga text message nga ginalakipan sang, “Halong ka, gwapo ka gale parts, dali na lang inadlaw mo panago ka lang maayo.”
Bangod sini, mas ginpili ni Espinosa nga magtinir sa prisohan sang sa gwa nga indi masiguro nga hilway ang iya kabuhi.
“Mas safe ko gamay sa sulod sang sa gwa,” hambal ni Espinosa kag gindugang nga nagsungka sia bangod sa kahangawa sang iya pamilya.
“Gusto ko man magtawhay ang pinsar sang pamilya ko, at least ila pinsaron didto lang ako sa sulod, indi sang kung diin-diin nga mabalaka pa sila.”
Ginbulgar man ni Espinosa nga may negosasyon umpisa pa sang Sabado para sa iya pagsungka, isa ka adlaw antes nagsalakay ang Regional Anti-Illegal Drug Special Operations Group (RAIDSOG) sa iya balay sang Domingo sang aga.
Gin-aku man niya nga wala sia sa iya balay sang nagsalakay ang RAIDSOG.
“Waay ko ya gapalagyo sa ila. Gina-una ta ang safety ta gid kay bal-an ko nga may iban nga grupo nga gahulag man para punggan ina. Amo ni gani gin-antisipar namon ang pag-surrender ko di kay may info ko nga harangan kuno ako sa dalan na hindi ako kalab-ot. Medyo nanigurado lang kami,” pagklaro ni Espinosa./H
[/av_textblock]
[/av_one_full]
