[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Kagawad gintiro sa iya balay sa Murcia’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Wednesday, June 28, 2017
[/av_textblock]
[av_textblock size=” font_color=” color=”]
Syudad sang BACOLOD – Napatay na antes mag-abot sa Bacolod Adventist Medical Center ang barangay kagawad nga ginsulod sa iya balay kag gintiro sang duha ka wala makilala nga mga tawo sa Hacienda Wawa, Brgy. Sta. Rosa, Murcia, Negros Occidental pasado alas-siete sa gab-i sang Lunes.
Ginkilala ni Senior Inspector Ronald Santillan, hepe sang Murcia PNP, ang biktima nga si Celso Bernabe Menoso, 52, kag No. 2 nga kagawad sang Brgy Sta. Rosa.
Madamo sang igu sang pagtiro ang biktima sa iya ulo kag lawas nga gintunaan sang iya kamatayon.
Sunu sa asawa ni Menoso, nagalantaw ang iya bana sang balita sa telebisyon sang ginsulod kag ginpaarakan tiro sang duha sa apat ka mga suspek nga nagasakay sa motorsiklo. Gilayon man ang mga ini nga nalagyo.
Sunu sa kapulisan, kalibre .9mm kag .45 ang gintiro sa biktima nga nakadalagan pa pakadto sa kusina sa diin nagapanghugas pinggan ang iya asawa.
Sandig naman sa pahayag sang kapitan sang barangay, maayo kag mabuot ang biktima sa ila baryo kag wala sang kaaway.
Pero nahibaluan nga luwas nga kagawad, bookkeeper man sa Hacienda Wawa si Menoso.
Kag sa dugang nga imbestigasyon sang Murcia PNP, nag-gwa nga ang motibo sa pagtiro sa biktima may angut sa trabaho sini sa asyenda bangod may ginpahalin ini sadto nga nagdumot sa iya, sunu naman kay SPO1 Pasto, imbestigador nga naga-uyat sang kaso./PB
[/av_textblock]
[/av_one_full]
