[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Kagawad nga durogista tiklo’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Dakop sa drug bust operation ang barangay kagawad nga ginakabig high-value target level 1 sa Barangay Jaguimitan, Syudad sang Passi, Iloilo alas-7:45 sang aga kahapon.
Si Alpher Palada y Lapating, 41, soltero kag kagawad sang Brgy. Pangi, Passi ang nabaklan sang mga katapo sang Passi City PNP, Philippine Drug Enforcement Agency (PDEA) 6 kag Focus Team D sang isa ka plastic sachet sang ginasuspetsahan shabu balor P300.
Sang gindala sa presinto kag ginrikisa, nakuhaan sia sang dugang nga apat ka mga plastic sachets sang ginapatihan shabu, marked money nga P300, kag drug paraphernalia.
Sandig sa report sang Passi City Police Station, madugay na nga gina-monitor sang PDEA-6 ang hulag sang barangay kagawad matapos nga nakatunog ang mga ini nga nagaduso ini sang ilegal nga droga apisar nga naga-serbisyo sa barangay.
Ginakabig man ini sang PDEA-6 nga high-value target level 1 bangod nga opisyal ini sa barangay.
Sa subong si Palada nahunong na sa karsel sang Passi City Police Station kag natalana kasohan sang pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
