[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’KALIPAY SA KALISOD’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”][/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tubtob san-o nga magasantik ang duha ka ngipon? Tubtob san-o maga-ilig ang dugo sa duta? Tubtob san-o may magakasubo nga mga himata?
Napuno na ang aton dulunggan sang mga balita tuhoy sa mga asud-asud nga hitabu sa palibot sang isla sang Panay, ilabi na sa probinsya sang Iloilo. Okupado na ang aton pang-ino-ino sa mga kabalaka sa mga nagakahinabu kag madamo na sang mga nagabatyag sang katagam sa mahimu liwat nga magaluntad nga kalakasan.
May mga nasamaran nga mga soldado kag mga rebelde, may napatay nga pulis, kag may napatay mga mga rebelde. Wala sang may ginalikawan ang bala, wala sang may ginakilala ang bomba, wala sang luha nga makapalong sa dabdab sang kalayo sa kanyon sang luthang.
Halos lima ka dekada na ang nakalipas, ang ila singgitan wala nagabag-o ang kaundan, bisan kon kaisa nagakapaos lang, apang padayun ang ila pagtipon sang puersa, paghaylo sa mga tawo nga yara sa kabukiran nga gindalukan sang higayon nga makapanimbang kon husto ang ila ginatuad bangod sa kakulang sang edukasyon.
Mahapos makahaylo sa panimuot sang isa ka tawo ang maayo maghambal, maalam pamatian, kag epektibo sa diskurso. Ginaanod sini ang paminsaron nga blangko, ginasudlan sang panan-awan santu sa ila luyag nga ipatudok, kag ginatutdan ang balatyagon nga sila ang wala ginasapak sang gobyerno, gina-ilo sa kapigaduhon, kag ang gobyerno wala sang balatyagon sa ila.
Sa tion nga malisu na ang ila panimuot nga sila ang ginadalukan sang gobyerno, nga sila ang wala ginasapak, nga sila ang wala ginahatagan sang serbisyo, naga-ibwal ang ila balatyagon kag kaangay sang isa ka bata nga nagasupak sa iya amay, magaagaw ini sang atensyon kag gahum, hangkaton ang poder kag ikasangkol, kag pamatud-an ang iya nga balor sa pag-igsister sa espasyo sang kabuhi.
Pila na ka gobyerno ang naglabay, may yara sang nag-upod sa ila, may yara sang nagsuporta sa ila, kag may nagbukas sang ganhaan agud nga makapahayag sila sang ila hibubun-ot. Wala sang katapusan ang ila ginapangayo, mas maalam pa sila sa ila ginapangayoan, mas poderoso pa sila sa panimalay kag luyag nila magdikta sa pamalakat.
Ang bata nga indi magsunod sa iya ginikanan, nagalayas, nagapalayo kag nagapangabuhi paagi sa pagtindog sa iya mga tiil. Wala sia nagapanggamo sa iya balay, wala niya ginasakit ang iya mga utod, kag wala niya ginalagare ang haligi.
Apisar nga sia nagasunggod, apisar nga malain ang iya buot, apang wala man sia naga-usik sang dugo nga ginapatulo sa duta.
Lima ka dekada na ang nakalipas, nagabulos-bulos lang ang naga-eskrima sang ideolohiya, wala sang may mapasupil, lunsay nagalantaw sang kaayuhan apang naga-usoy sa tuhay nga mga dalan.
Kon akig sila sa gobyerno, sa patakaran kag sa sistema, ngaa komportable man sila nga nagaserbisyo kon hatagan sang puesto?
Ano ang indi mo magustohan? Ngaa imo ginahulid kag ginaligiran? Ang iban sa ila yara man nagapangabuhi sa gobyerno apang ngaa ila ginatamay ang ila palangabuhian?
Ang ila bulugasan ila man nga ginaduplaan.
Untatan na ang kalakasan.
Wala sang kalipay sa kalisod./PB
[/av_textblock]
[/av_one_full]
