[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’KAPITAN TIKLO SA DRUG BUST’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Thursday, January 19, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Nadakpan gid man sang Philippine Drug Enforcement Agency (PDEA) 6 ang barangay kapitan nga nadala sa ila top priority target list sa ginkasar nga buy-bust operation sa Barangay Agcuyawan Calsada, Barotac Nuevo, Iloilo alas-9:50 sang aga kahapon.
Ginkilala ang kapitan nga si Lester Bawe, 39, kasado kag residente sang nasambit nga barangay.
Sa interbyu sang Panay Balita kay Chief Insp. Raymond Celoso, hepe sang Barotac Nuevo Municipal Police Station (MPS), gin-aresto sang mga katapo sang PDEA-6 si Bawe matapos nga nagmadinalag-on ang drug bust.
Isa ka ahente sang PDEA-6 nga nagserbe nga poseur buyer kag nagbakal sa suspek sang isa ka plastic sachet sang ginapatihan shabu balor P600.
Luwas diri, nakuhaan man ang kapitan sang duha pa ka daku kag isa ka medium size nga sachet sang ginapatihan shabu, kalibre .45 nga pusil subongman marked money.
Natukiban man nga wala sang nagakaigu nga dokumento ang pusil sang kapitan nga narekober sa iya balay.
Sa pagkahibalo ni Celoso, si Bawe ginareport gid man sadto nga nadalahig sa ilegal nga droga apang nagtahaw ang huring-huring sang ulihi nga mga tinuig.
“Si kap may mga reported kita sang una nga naga-engage na sia sang una sa drugs activities pero later sang ulihi nga mga years, daw nag-mild man ang information,” hambal ni Celoso.
Gin-aku sang hepe nga wala madala sa ila listahan ang kapitan nga nagaduso sang ilegal nga droga sa ila banwa bangod nga pag-abot niya sa Barotac MPS may ginamentinar na nga watch list ang kapulisan.
Indi man mabal-an nga nagaduso sang ilegal nga droga ang kapitan bangod nga aktibo man ini sa kampanya sang kapulisan kontra sa ilegal nga droga, dugang ni Celoso.
Ginapahayag pa nga mga pangayaw ang nagabakal sang ilegal nga droga sa kapitan kon sa diin may nagakadto nga multicab kag motor sa barangay nga indi kilala sang mga residente.
Nakabaton man sang impormasyon ang Barotac Nuevo MPS nga sa Brgy. Bakhaw, distrito sang Mandurriao nagakuha sang suplay ang kapitan apang ginpanginwala man ini sang subject.
Samtang ginasulat ini nga balita, ang suspek yara sa kustodiya sang PDEA-6 para sa nagakaigu nga disposisyon sang iya kaso nga pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
