[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
MASOBRA na sa duha ka tuig nga nagpungko bilang president si Rodrigo Duterte. Kumusta naman ang iya administrasyon?
Sa pinakaulihi nga pahayag sang Malacañang, liwat nila ginpasalig ang katampad sang pangako ni Duterte nga madula ang ilegal nga droga, kriminalidad kag corruption sa gobyerno paagi sa pagpatuman sang mga tumalagsahon nga reporma.
Sa iya 63 ka pahina nga yearend report ginsling sang Malacañang nga nangin madasig ang akto ni Duterte kag sang iya administrasyon agud mahatag sa mga Filipino ang hilway, sigurado kag matawhay nga palibot paagi sa mga key platforms nga ginpatuman sang administrasyon.
Sa data sang Malacañang masobra sa 1.3 million nga drug addicts ang nagsungka sa gobyerno, 118,282 ang naaresto sa kabug-usan nga 79,193 ka antidrug operations.
May P18.92 billion nga balor sang droga nga nakumpisakar kag may 4,747 na ka barangay ang nadeklarar nga drug-cleared.
Indi maghnubo sa 3,967 ka drug personalities ang napatay kag may 16,355 ka homicide cases nga under investigation.
May mga nakakumpleto naman sang ila drug rehabilitation kag linibo pa ang ara sa rehab program.
Nagnubo naman ang krimen sa pungsod kun basehan ang crime index. Sa pagpakig-away kontra corruption ginpabugal sang administrasyon ang pagpasar sang Freedom of Information ukon FOI executive order kun sa diin may 217 ka participating agencies.
Pero ikaw ordinary nga Filipino, ano ang imo matuod nga balatyagon sa hinimuan sang administrasyon? Nakabatyag ka bala nga safe ka na maglakat sa dalan bisan disoras sang gab-i? Wala ka na bala ginapangayuan sang lagay sa imo transaction sa gobyerno?
Paano naman ang P6.4 billion nga illegal drugs nga nakalusot sa Bureau of Customs?
Kumusta naman ang mga nagalagaw nga mga organisasyon kuno nga nagsuporta kay Duterte nga nagapasalig nga mahatagan pwesto sa gobyerno kabaylo sang kantidad kag suporta sa administrasyon?
Si President Rodrigo Duterte sigurado ako matarong nga tawo. Pero ngaa indi niya matapna ang iya mga tawo nga nagagamit sang iya ngalan agud magsabwag sang poder?
Sa 2018 bag-o naman nga pagpaningkaras para sa atun tanan. Dugangan pa nga ipatuman ang tax reform. Nahibaluan bala nila kun pila ang minimum nga sweldo sang ordinary nga mga trabahante? Daw indi man sila makapulos sini apang sa tax alalangay ang ila abagahon sa mga balaklon.
Ang mahimo na lang naton amo nga maglaum nga mangin maayo ang 2018 para sa atun tanan. Kabay nga mabalikdan man ang mga empliyado sa pribado nga sector ilabi na ang mga may manubo nga posisyon. (jpranco1975@gmail.com)/PN
[/av_textblock]
[/av_one_full]
