[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LABAY MAN AKON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI ROCIO JAMOLO
[/av_heading]
[av_textblock size=” font_color=” color=”]
Shabu, shabu, shabulize
SHABU, shabu, shabulize. Shabu, shabu, shabulize.
Nagalagaw ini nga palamangkutanon sa aton mga pamensaron humalin sang namitlangan nga madata sa aton ang shabu.
Madata gid man. Madata ang nagagamit sang shabu sa mga substance abusers sang sa marijuana.
Sa gintingub nga Iloilo City Peace and Order Council (ICPOC) kag Iloilo City Anti-Drug Abuse Council (ICADAC) meeting sang nagligad nga Biernes, ginsiling sang Philippine Drug Enforcement Agency (PDEA) nga ang methamphetamine ydrochloride ( mas popular sa tawag nga “shabu”) ang mas ginagamit sang mga substance abusers.
Shabu ang substance of choice sang mga drug users sa syudad sang Iloilo. Gamay lang nga porsiento sa mga drug users ang nagagamit sang marijuana.
***
Minilyon ka pesos ang ginahambalan sa illegal drugs trade. Minilyon ka pesos ang nagalagaw kon nga-a hugot nga pagtago ang ginahimo sang mga natungdan.
Sa syudad sang Iloilo lamang, sobra tres milyones pesos (P3,173,194.76) nga balor sang illegal drugs ang na-confiscate sang PDEA sa sulod sang siam kag tunga ka bulan nga ila operation sa karon nga tuig (Jan. 1 to Oct. 13, 2016).
Napulo ka libo ka pesos (P10,000) ang bili sang kada gramo sang shabu. Beinte sinco mil pesos (P25,000) ang balor sang isa ka bulto.
***
Ang syudad sang Iloilo nagapabilin nga “consuming area” sang illegal drugs. Amo man ang bilog nga Rehiyon 6. Ang mga epektos nagahalin pa sa Luzon, Mindanao kag iban nga bahin sang Central Visayas.
Suno sa PDEA, wala sang marijuana plantation sa Kabisay-an Nakatungdan. Wala man sang clandestine shabu laboratory sa area.
Ginapangatarungan sang PDEA nga kon may shabu laboratory sa Rehiyon 6, labi na sa Iloilo, indi magmahal ang bili sang isa ka bulto nga shabu sa beinte sinco mil pesos (P25,000).
Sa mga lugar nga may shabu laboratory nga nagahimo sang shabu, taglima ka libo ka pesos lamang ang isa ka bulto sang shabu.
Kon tagnapulo ka libo ang bili sang isa ka gramo nga shabu, simple mathematics ang magsiling nga magalab-ot sa sincuenta mil pesos (P50,000) ang bili sang kada bulto. Ugaling, kaangay sang iban nga negosyo, ang mga illegal drugs trade nagapanubo man sang presyo kon binultubulto na ang baklanay.
***
Ginabantayan karon sang PDEA kag kapulisan ang pagsulod sang illegal drugs sa Kabisay-an Nakatungdan sa ginpabakod nga kampanya kontra druga sang administrasyon ni Presidente Rodrigo Duterte.
Ang Enero 1 tubtub Octobre 13 karon nga tuig nga 25 ka operations sang PDEA, nagtikma sang 163 ka tawo kag pagpasaka sang 83 ka kaso kriminal.
Samtang pursigido ang PDEA sa ila intelligence work kag pagpangtikma. Suportado man nila ang kampanya sa pagpahanumdum sa komunidad nga taglikdan ukon indi pagsakdag ang illegal drugs.
***
Ang Iloilo City Police Office nga ginapamunuan ni Superintendent Remus Zacarias Canieso , may 282 ka police operation nga nahimo sa sulod sang una nga siyam ka tuig.
Sa sini, 406 ka pushers kag users ang nadakpan. Lima sa ila mga menor de edad. Lunsay napasakaan na sang kaso sa hukmanan.
Anum ang napatay sa engkuentro sa nahimo nga police operation.
Sobra sa 265 ka gramo sang shabu ang nakuha.
***
May napulo’g tatlo (13) ka high-value targets ang ICPO. Duha sa ila nalakip sa HVT3 category nga ginakabig nga pinuno sang Odicta group kag Prevendido group – ang napatay nga si Melvin Odicta Sr. kag si Richard Prevendido nga padayon pa nga ginaayam.
Napulo ka drug personalities ang nalakip sa HVT2 category.
Tatlo sa ila ang natikma na sang City Police nga ginkilala nga sanday Abelardo Prevendido, Kenmark Pineda kag Norberto Prevendido Jr. Nahunong na sa bilangguan si Jesus Espinosa Jr. matapos nga nag-surrender sang gin-serve ang mandamiento de arresto.
May anum pa ka drug personalities nga ginapangita ang City Police operatives.
Samtang si Ernie Mamarion nga yara sa category 1 nga high-value target, nadakpan naman sang kapulisan sadtong Agosto 28.
***
Kon may high-value targets ang kapulisan, may yara man sila low-value targets.
Yara sa 137 ka pushers kag users ang sa listahan sang low-value targets. Ang May 18 to June 30 reporting period, nagpakita nga napulo’g anum (16) sa listahan ang natikma.
Apang halus tatlo ka pilo ang kadamuon sang mga natikma nga low-value targets sa pagpamuno na ni ICPO director Remus Canieso. Sincuenta’y sinco (55) ang LVT nga nadakpan sa period July 1 to Sept. 30, 2016.
Ang ginapangita pa: 66 na lang ka low-value targets. Tanan nga anum ka police precinct tululunga sa tulumanon. (To be continued)/PN
[/av_textblock]
[/av_one_full]
