[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LABAY MAN AKON | Ano labot ko? ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI ROCIO JAMOLO
[/av_heading]
[av_textblock size=” font_color=” color=”]
Monday, June 26, 2017
[/av_textblock]
[av_textblock size=” font_color=” color=”]
SECURITY GUARD: Palihog bukas sang bag mo, Ma’am.
MADAM: Kaawat, ah. Nagadali ako!
SECURITY GUARD: (Nagpaathag kay Madam) May instruction abi sa amon nga tan-awon ang dala sang tanan nga magasulod, Ma’am, kay nagapang-atake naman ang mga Abu Sayyaf.
MADAM: Ano sa pamatyag mo, sa sulod sang bag ko nagapanago ang mga Abu Sayyaf?
Aguy ah!
Kon amo sini ang sahi sang pamensaron sang iban sa aton, indi malayo nga matabo man sa aton ang Marawi attack nga karon ginapakig-away pa nga mahilway gikan sa kapintas sang mga teroristang Maute group.
Of course, madugay ko na nabatian ang amo nga pahayag sang isa ka ginang sa mall. Pila na ka tuig ang nagligad sadtong intensified nga kampanya sang seguridad kontra sa mga tawo nga wala sang kalag, wala sang kaluoy nga magpalupok sang bomba…mapilasan o mapatay man ang iban.
Gani ginapaaligmat ang tanan kontra sa mga terrorista.
Ginaseguro nga safe ang mga shoppers sa malls. Ang mga schoolchildren sa mga buluthuan. Ang mga manugpaninda o tinder/tindero sa mga merkado. Ang mga sumilimba sa mga simbahan…Kag kon diin pa nga tilipunan nga masami madamo ang mga tawo.
Ano na lang abi kon may bomba nga naglupok sa matawo nga lugar bangud sang aton kapabayaan o kulang sang kooperasyon?
Tama lang bala nga pulis o militar ang aton basulon? Wala gid bala nanambong sa aton pamensaron nga ang estado sang kalinong nga aton gina-enjoy karon nasandig man sa aton nga katapo sang komunidad nga Ilong-ilonganon?
Relax mode kita. Nangin kampante. We lose our guard, ti, kundi natabo ang pagsalakay.
Apang ang natabo nga pagsalakay sang masobra sa sincuenta ka katapo sang New People’s Army sa Maasin, Iloilo sang naligad nga semana nagpukaw sa aton sa mahamuok ta nga katulugon – nga palipod nga nagahimo sang plano ang kontra.
Ang intelligence network sang mga pulis o military magamadinalag-on lamang kon suportado sang komunidad. Kon wala sang mga pumuluyo nga magasugid sang nagakalanabo sa palibot, mabihangan ang aton mga pulis, mga peacekeepers o law enforcers.
Sang nagligad lang nga Sabado may nasapwan nga improvised explosive sa Alimodian nga gintanum malapit lang sa kilid sang karsada nga posible palukpon kon maagi ang kontra. Ano na lang kon naglupok kag naigo ang mga target ukon ang mga inosente nga sibilyan?
Karon ang panahon nga doblehon ang pagpangandam kontra sa maluyag magwas-ag sang kapintas.
Kita ang madulaan.
Indi lamang kabuhi ang mautas. Posible nga maguba ang mga edipisyo o mga puluy-an kasubong sang natabo sa Marawi. Matublag ang aton pangabuhi. Madulaan kita sang kabuhian o palangitan-an bisan pa temporary lang. Maalimunaw ang atong mga pagpaninguha padulong sang katin-aran karon pa nga ang syudad sang Iloilo nga amo ang regional seat sang komersyon, panguluhan, edukasyon kag iban pa…Karon pa nga kilala na ang syudad sang Iloilo nga isa ka livable city.
Ang syudad sang Iloilo vulnerable sa mga maluyag mag-guba sini. Kon school days, nagahabok ang populasyon sang syudad bangud madamo ini sang transient boarders kasubong sang mga estudyante gikan sa mga banwa o malapit nga probinsya. Indi boot silingon nga sila…kundi ang mga boarders dapat nga usisaon. Profiling, suno sa term sang mga pulis.
Magmangin mabinantayon kontra sa mga criminal elements. Sakdagon ang lihok sa pagkilala sang tagsa ka bag-o nga tawo sa inyo barangay.
Ini ang lihok nga ginasunod karon sa kabarangayan. Ang tagsa ka punong barangay, upod sa ila mga opisyal dapat nakahibalo sang tanan nga tawo nga labas-masok sa ila lugar. Pangayuan sang identification papers ang kada sumalay-o. Indi ini praning. Ini ang dapat buhaton. Bantayan ang aton turf. Indi dapat nga ligaan naton ini kay isa lang ka pagpiyong sang aton mga mata, posible nga atakehon kita sang kontra.
Amiga, Amigo…may kahilabtanan kita sini. Gani, makialam na. (runjirjamolo@gmail.com/PN)
[/av_textblock]
[/av_one_full]
