[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LABAY MAN AKON | Balik eskuela’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI R. JAMOLO
[/av_heading]
[av_textblock size=” font_color=” color=”]
Monday, June 5, 2017
[/av_textblock]
[av_textblock size=” font_color=” color=”]
GINABANTA 1.2 milyones ka estudyante ang magabalik sa ila natungdan nga eskuelahan karon nga adlaw sa tunga sang pamahug sang lapnagon nga welga sang mga salakyan.
Nauna sini, ginpahayag ni Education regional director Ma. Gemma Ledesma nga wala sang dako nga rason nga indi maghiwat sang klase karon nga adlaw bisan sang transport strike bangud malapit man lang ang mga eskuelahan sa mga puluy-an sang mga bumulutho.
Hiwaton suno sa schedule ang mga tulumanon sa una nga adlaw sang klase bisan pa nga ginakilala sang Department of Education ang pamat-ud sang mga ginhikanan o guardians sang mga schoolchildren kon pasudlon sa eskuelahan ang mga bumulutho o indi.
Ang DepEd nagapahamtang sa napulo ka porsiento (10%) nga increase sang enrollment gikan sa 1,107,589 nga enrollees gikan sa nagligad nga school year.
Sa pagbukas sang School Year 2017-2018, atubangon gihapon sang mga education officials kag school administrators (labi na sa mga pangpubliko nga eskuelahan) ang perennial nga problema sa kakulang sang mga hulut-klasehan, mga manunudlo, mga amesa kag pulungkuan kag mga libro.
Suno kay Dr. Ledesma, nakahimo na sang assessment ang DepEd may kaangtanan sini gani ginatugyan na sa tagsa ka school principal ang paghimo sang mga stop gap measures kasubong sang “double shifting” sang klase.
May mga pang-aga o panghapon nga klase sa mga public sa elementary kag high schools samtang ginahimulatan pa nga matapos ang construction sang mga school buildings.
Ang Department of Public Works and Highways nagapasalig nga tapuson ang construction sang tanan nga school building projects nga nalakip karon nga tuig nga kadam-an sini na-schedule na para sa bidding karon nga bulan.
Ginakulang man san mga standard nga pulungkuan o armchairs ang iban nga eskuelahan kabangdanan nga nasandig na sa mga school authorities ang pag-manage sang sini nga kakulangan agud sien porsiento nga maseguro ang kadalag-an sa pagbukas sang klase.
Ang kakulang sang mga manunudlo sa public school ginahimulatan man nga mabuhinan paagi sa pag-hire sang dugang nga mga manunudlo sa public school system sa rehiyon nga nagalab-ot sa 4,203.
Ang proposed allocation sang teaching positions nagalakip sang 726 para sa Kindergarten, kag elementary; 489 para sa Junior High Schools kag 2,988 para sa Senior High School.
Sa tagsa ka pagbukas sang school year, indi madula ang mga problema apang kita (nga mga stakeholders) – education officials, mga manunudlo, local government executives, ginhikanan kag komunidad – wala man nagakapunaw sa paglubad sini nga mga palaligban bangud nasandig sa edukasyon ang palaabuton sang aton nasyon.
Ginabalewala sang mga ginhikanan ang kabug-aton sa pagsakdag sang pagtuon sang ila tagsa ka bata bangud aton ginahanda sila sa hangkat sang palaabuton.
Ang karon nga Academic Year magatapos sa Abril 6, 2018 – dos sientos cuatro (204) school days nga paghimakas kag hangkat para ma-empower ang kabataan. (runjirjamolo@gmail.com/PN)
[/av_textblock]
[/av_one_full]
