[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LABAY MAN AKON | Byahe Semana Santa’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI R. JAMOLO
[/av_heading]
[av_textblock size=” font_color=’custom’ color=”]
Monday, April 10, 2017
[/av_textblock]
[av_textblock size=” font_color=” color=”]
BYAHE Semana Santa. Kadam-an sa aton nga napahilayo sa aton natungdan nga mga pamilya sa probinsya, ini ang panahon sa pagpauli. Gani ginabalewala ang kabudlay kag huol lamang nga makaupod sila.
Salamat sa RORO napahapos kag napabarato ang pagbyahe padulong probinsya.
Ang RORO ukon ang roll-on, roll-off isa ka inter-island system sang transportation nga nagalakip sang pag-drive sang motorized land vehicle pasulod kag pa-gwa sang inter-island o cargo ship.
Isa ini sa panguna nga development strategy ni Pangulong Gloria Macapagal-Arroyo nga nagasuporta man sang domestic tourism, agri-fisheries modernization kag food security programs sang panguluhan nasyunal. Mas efficient kag mas mahapos nga pagbyahe, labi na sa mga magkaingud nga mga rehiyon nga nangin kamatuoran sa nautical highways upod ang mga pantalan (ports) kag mga barko nga may facilities nga gindihon para sa pag-transport sang mga motorized vehicles.
Ang akon pag-byahe sang nagligad nga semana pakadto sa Manila kag pagbalik, wala na plano (magabyahe pa naman sa sini’ng peak season nga nagakahulugan sang pakipagdumog o dinagusuanay sa iban pa nga mga pasahero nga ang isahanon nga handum amo ang pagpauli sa probinsya).
Apang sugo sang kinahanglanon, nagpadulong ako sa Manila sang Martes sakay sa dako nga barko. Las sinco sang hapon ang halin sini sa Puerto sang Iloilo kag magaabot sa Puerto sang Manila sa Mierkoles sang udto. Ang mega-value accommodation yara sa P2,500 ang kada tawo sa isa ka air-conditioned room nga ginasaluhan sang kapin sa 24 ka tawo. Depende kon nakabakal sang ticket sang mas temprano, mas barato man nga presyo ang ihatag sa inyo. (Sang Martes yadto. Apang sang Biernes nga survey, yara na sa tres mil pesos (P3,000) ang kada tawo bangud sang nagdagsa nga mga tawo. Indi lang ako segurado kon bala nagpataas sang presyo ang tagdumalahan. Suno sa nakuha ko nga kasayuran sa masaligan nga tiliman-an, business kag tourist cabin na lang ang available nga mas mataas naman ang presyo. Ginapakamaayo sang iban nga tukson na ang mataas presyo bangud nga isa ka tulog lang – port to port – pagka-udto ato ka na sa imo kaladtuan. Wala abi sang available nga promo fare sa eroplano bangud madamo nga tawo ang nagahingamo nga makapauli.
Isa ka option ang pagbyahe paagi sa RORO system. Halin Manila, madamo na mga kompaniya sang bus transport ang may paradahan sa mga commercial areas kasubong sang Cubao. Karon nga Semana Santa beinte cuatro (24) oras ang gwa sang mga salakyan sa paradahan. Bangud sa kadamuon sang mga pasahero, wala na sang advance booking nga ginabaton. Buot silingon, nakahanda ka nga magbantay halin gab-i hasta kaagahon para sa pulungkuan nga kinahanglanon sa sobra 17 ka oras nga byahe halin sa Manila padulong sa syudad sang Iloilo. Ginapanugyan kontani ang pagbyahe nga wala o gamay lang ang bagahe kasubong sang isa ka back pack lang ang dala, ay, apang sa kon ano man nga rason bilog nga pamilya na ang tropa – dala ang bata, pati na ang nagabusong.
Dala-dala gihapon sang nagabyahe ang ila karga nga biscuit nga pasalubong (daw kasubong bala nga wala sang baligya nga laton sang biskwit sa ila kaladtuan). At okay ginsukot na sila sang por kilo sang ila kargamento, dayon man magkumod-kumod kay indi makareklamo. Dalagko ang ila karga nga kargamento dala ang pasalubong nanday lola kag lolo sang mga panapot o sapatos nga ginbakal sa mas barato nga presyo sa Divisoria. (Lolo kag lola, manong kag manang, may kasubong man bala nga Divisoria outlets sina diri sa Iloilo).
Ari, indi nyo pa gid ma-gets, may nagbyahe man sa RORO nga karga ang 50-inch TV. Maayo kon may kaugalingon sya iya nga salakyan, pero ina’ng ikarga pa bala sa bus. Flat screen ni ‘ya mo, siling pa nya, kag cash pa ang pagbakal sina! (Quiet lang ako pero sa pensar ko, kontani diri na lang kamo nagbakal sina sa Iloilo wala pa kamo ayawan ka lukdo.)
Halin Cubao padulong Batangas Port, duha ka oras ang byahe sa bus. Ang isa ka bus makasakay sang 45 ka pasahero. Kon madamo gid, puede pa madugangan sang lima pa…tindog lang ugaling sa sulod. Isa ka libo kag anum ka gatus ka pesos (P1,600) ang plete halin Manila padulong Iloilo (sulod na ang bayad sa RORO/barko). Ang mga tigulang kag estudyante hatagan man sang diskuento.
Ma-atrasar lang ang byahe depende sa availability sang barko kag kon kompleto na sulod ang tana nga mga bus nga ikarga patabuk. Ang isa ka barko sarang makakarga sang 9 ka dalagko nga bus sa sulod depende lang sa ahinlo sang paghilera sa ila sang mga sagad nga mga drivers. Duha ka oras ang byahe sang barko halin Batangas Port padulong Calapan, Mindoro.
Apat ka oras naman ang dalaganon sang bus halin Calapan padulong sa sunod nga puerto sa San Jose, Mindoro. Halin San Jose port tabukon sang barko karga ang mga pasahero kag mga bus sang apat ka oras ang Caticlan Jetty Port.
Pagkaabot, himuon ang disembarkation despues ang byahe nga mas o menos lima ka oras halin Caticlan, Malay sa probinsya sang Aklan. Agihan ang mga banwa sang Aklan pati na ang Kalibo, sa mga banwa sang Capiz despues ang mga banwa sang Iloilo – Passi, Pototan, Barotac Nuevo, Dumangas, Zarraga kag Leganes tubtub sa Tagbak, Jaro.
Mahuol apang masadya ang RORO experience, kapin pa nga mainabyanon kag mainabiabihon ang mga Ilonggo.
Masadya ang magbyahe. May lauman nga paggilinutok. Apang balon lang sang tuman nga pasyensya. May paghulatanay. May pulupahuway. May pangilalahay. May estoryahanay. May pag-intiendihanay… nga ang tagsa sumalay-o lamang.
Tubtub sa sunod nga pagbyahe. Halong!/PN
[/av_textblock]
[/av_one_full]
