[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LABAY MAN AKON | Confidently beautiful with a heart ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI JAMOLO
[/av_heading]
[av_textblock size=” font_color=” color=”]
Monday, May 22, 2017
[/av_textblock]
[av_textblock size=” font_color=” color=”]
“CONFIDENTLY beautiful with a heart.”
Ini ang mga tinaga nga nagtatak sa aton mga paino-ino kag dughan nga ginbuy-an ni Binibining Pilipinas contestant Pia Alonzo Wurtzbach kag nag-confirm pa gid nga siya ang nagakadapat nga mag-angkon sang korona kag Miss Universe 2015.
Makabulungol seguro kon gintingub ang tanan nga siyagit sang mga Filipino nga nagbantay sadto nga adlaw sang Miss Universe pageant nga nahibaluan nga Filipina ang nagdaug.
Apang antes nga gintungtong sa iya ulo ang korona, saksi man kita nga tumalan-aw sadto sa telebisyon nga iban ang ginlawag nga nagdaug. Bisan pa nga nagapati kita nga siya dapat ang daug (kag ayhan mismo si Pia nga nagahandum sang korona para sa Pilipinas) ginbaton niya sing hugot ang announcement sang result kag ginpanginbulahan si Miss Colombia. Ugaling ang korona indi gali para sa Colombia kundi para sa Pilipinas kag sa kasaysayan sang Miss Universe pageant napagkit nga ang Pilipinas mga tawo nga matahum (o maambong) kag may tagipusoon.
Nadumduman pa bala ninyo ang hitabo nga nagpaubos si Pia? Nga ginhakos pa niya si Miss Colombia nga nagapati nga gin-agawan ni Pia ang Colombia sang korona? Indi bala nga si Pia gani ang naagawan sang “iya moment” sadto? Tapos sadto, ginpakamalaot pa siya sang iban nga contestants…apang yadto isa ka kahigayunan nga napakita nga si Pia isa ka ehemplo sang grace under pressure.
Napakita sang Pilipinas ang pagbaton sang kalutusan bisan pa nga sa alibutod sang imo dughan nahibaluan mo nga ikaw ang nagdaug.
Nakalabay sa pensar ko ang pamangkot kon bala ang phrase “confidently beautiful with a heart” gintudlo lang sa iya ukon indi ayhan nga “confidently beautiful with a heart” gid man si Pia?
Sa akon lang belated nga reaction, ginapangabuhi na gid man seguro ni Pia ang phrase nga ginpauso niya kag nag-trend sa social media.
Ang iya reactions sadto nga moment sa entablado kag sa spotlight sang bug-os nga kalibutan iya gid lamang. Wala sang mga “cue”, purely iya gid nga pagkatawo ang aton nakit-an.
Liwat ko ginbuhi ini nga hitabo bangud kapanahunan karon sang mga beauty contests. Basta may fiesta, may pagakoronahan nga hara…mapaprobinsya, banwa o barangay man. Siempre antes sina, may paindis-indis. Ang mga “sour grapes” dira todo pakamalaot sa nagdaug porque ginbakal, ginpaboran, lutong macau, gindala sa kuarta, o gin-hocus pocus lang.
Ay, hala! Ang iban dira kon magpangguba, puerte! Bisan matuod nga may “no objection clause” nga nakabutang nga ang pamat-ud sang mga hukom “final” na, puede nyo bala matika ang resulta. Nakataya bala ang integridad sang tagsa ka hurado nga nagperma dira sa resulta sang iya pagpili. Gina-tabulate, gina-compute kag ginarepaso antes i-anunsyo.
Maayo nga ideya nga ilatag naton ang mga bata sa contest sa lamharon nga mga edad. Apang seguro kinahanglan naton nga tudluan ang mga bata karon sa pagbaton sang kalutusan. Wala sa kadalag-an nasandig ang pagkatawo sang isa ka individual. Labi man nga wala sa kadalag-an ang matuod nga kalipayan.
Halong, mga ginhikanan, kon kay sin-o ninyo nga mga “handler” ginasalig ang inyo mga bata. Ang mga handler nga iban amo ang maluyag gid sang kadalag-an bangud sang tago nga kasugtanan (hidden agreement) sang partida sang padya nga kuarta.
Imbes mangin “confidently beautiful with a heart” ang ma-achieve sa kada experience, basi magbunga pa sa “bitter-bitteran” ang tanan. Intonses pa.
Bangon lang sa tagsa ka kalutusan. Patad lang sa masunod nga kahigayunan. Salig lang sa imo igkasarang. Hurmahon ang imo pagkatawo naluston man o daug. Indi pagpahanuguti nga ma-influence ka sang mga negative comments sang iban.
Kag pananglit maangkon ang kadalag-an, magpaka-humble.
Sa kon ano man nga kahimtangan, magpabilin nga “confidently beautiful with a heart.” (runjirjamolo@gmail.com/PN)
[/av_textblock]
[/av_one_full]
