[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’LABAY MAN AKON | Dinagyang’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
BY RUNJI JMOLO
[/av_heading]
[av_textblock size=” font_color=’custom’ color=”]
Monday, April 24, 2017
[/av_textblock]
[av_textblock size=” font_color=” color=”]
GINAKAKUNYAGAN. Ginakalangkagan ang Dinagyang Festival sang Iloilo.
Nabatyagan ko ina sang nagtan-aw kami sang Aliwan Festival sang nagligad nga Sabado sa Qurino Grandstand.
Madamo nga tawo ang nagbatas sa kainiton sang kahapunanon lamang nga masaksi sa tribe performance sang Tribu Salugnon ng amo ang kampyon sa tribe competition sang 2017 Dinagyang Festival sang nagligad nga Enero.
Nagapinamangkutanay ang mga tumalambong nga supporters sang Dinagyang kon ikapila ang Iloilo. Apang bisan nga ila nahibaluan nga ikanapulo (10th) sa ikanapulo’g tatlo (13), wala gihapon nalingkang sa ila ginlingkuran o ginatindugan ang mga tumalan-aw. Nagapamalhas apang sige lang sang pamaypay ang mga excited nga audience. Halus magatunod na ang adlaw sang magperform ang Tribu Salugnon. Nagasinggit ang audience sa grandstand kasubong bala sang naga-chant sang “Dinagyang, Dinagyang, Dinagyang!” Indi katulad sang iban nga performing group nga yara na nga daan sa atubang, ang Dinagyang tribe nagahulat lang sang “go signal” kag magdalagan sa tunga sa pagsugod sang pasundayag. Sa tuo nga bahin sa ibabaw nga panalgan sang Quirino Grandstand nagasiyagit ang mga tawo…nagalaum sang matahum nga pasundayag.
Wala man sila malugaw-an. Makapila ka bes sila (Dinagyang tribe) ginpalakpakan. May mga Hiligaynon-speaking nga mga Mindanaoans ang nagaenisturyahanay nga naghingagaw gid sa pagtan-aw sang Dinagyang. Kasubong man ang nabatyagan nga kalangkag kag kapung-aw sang iban nga mga Ilonggo nga seafarers (nga samtang naga-follow up sang ila mga papeles sa pagsakay liwat sa barko), nagdalikat nga makalikis sa traffic para masaksihan ang Dinagyang nga daw sa nagapahanumdum sang ila pagka-Ilonggo. Manugsingkuenta ka tuig na ang Dinagyang. Singkuenta ka tuig nga bahin na ini sang aton pagka-Ilonggoa (mapatagasyudad man o probinsya). Hana na nga magtakup ang adlaw nga Sabado sang naanunsyo nga Dinagyang ang kampyon sang Aliwan 2017. Nagpangaduha ang Hubon Binagtong sa Manggahan sang Cabalagnan National High School. Dako nga kalipay ang ginabatyag sang mga Guimarasnon sa kadalag-an sang ila debut performance nga ginakabig favorable nga development karon nga ginahandaan nila ang ila ika-25 ka tuig bilang hilway nga probinsya. Apang indi man liwan sa Iloilo ang Guimaras o Manggahan kay ini ang kampyon sang nagligad nga Kasadyahan competition sang Iloilo Dinagyang 2017. Nagapasalamat kita sa paghimulat sang tagsa nga maangkon ang kadalag-an bisan pa sang pila ka indi kaayaaya nga hitabo o kinagamo sa tunga sang Ilonggo tribe sa Tribu Mandaragat nga nagpangatlo sa Aliwan competition.
Nakaagi na grand slam champion ang Dinagyang sa Aliwan. Nakaagi nga nagpangaduha lang nagligad nga tuig. Daug man o indi, hugot ang aton pagbaton…bangud ang mga Ilonggo mga malipayon nga tawo. Panginbulahan sa aton kabataan sa Dinagyang tribe kag hubon Manggahan. Truly para sa inyo ang kadalag- an nga buhat sang dedikasyon kag sakripisyo./PN
[/av_textblock]
[/av_one_full]
