[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LABAY MAN AKON | Journalist na, nanay pa’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI JAMOLO
[/av_heading]
[av_textblock size=” font_color=’custom’ color=”]
Monday, April 3, 2017
[/av_textblock]
[av_textblock size=” font_color=” color=”]
JOURNALIST na, nanay pa. Nanay na, journalist pa. Pasulisulion man, amo gihapon ang buot silingon – mabudlay balansehon.
Mabudlay timbangon ang duha ka katungdanan nga equally nagakinahanglan sang bug-os nga attention.
Ang mangin journalist isa ka dako nga hangkat labi na kon babaye ka.
Suno sa pagkilala sang National Union of the Journalists of the Philippines (NUJP), ang journalists amo yadtong mga individual nga involved sa pag tipon sang mga balita, nagasulat sang balita kag naga-present sini nga mga natipon nga balita para sa publiko.
Ang balita nga mahimo subong nagakadapat nga mapahibalo sa publiko sa labing madali nga panahon.
Para sa mga journalists nga radyo ang medium, kinahanglan nga mapalab-ot ang balita as it happens. Bangud sini, dasigay ang hulag para mapalab-ot ang balita para sa radio audience. Indi puede papatay-patay kay basi maunahan sang iban. Huo, mas mainit ang competition sa radyo.
Dako man ang hangkat sang pagpalab-ot sang balita sa telebisyon. Kinahanglan nga may kaupod nga video sa pag-present sang balita.
Liwan nga hangkat ang ginaatubang sang print journalists. Kinahanglan detalyado ang balita, careful nga wala sang sala bisan typographical error man lang dira.
Bangud ginapakig-away sang kababaenhan ang gender equality kag gender equity, dapat maathag nga wala sang pagpasulabi kasubong nga lalaki lang dapat ang magbaton sang peligroso nga assignment.
Utra kusa naman kon health reasons kasubong sang pagbusong o pamulanon, nga ginahatagan sang konsiderasyon. Huo, gale. Nahisayran ko nga sa tagsa ka duha ka male journalists, may isa ka babaye nga mamahayag o manugwaragwag. Suno sa informal survey nga ginhimo sini’ng inyo alagad, yara sa 95 ang mga lalaki sa traditional news media sa Iloilo samtang may 32 ang women journalists. Kon kaisa, magapangduhaduha ang management sa pagkuha sa ila bangud sang maternity leave benefits nga pangaabagahon sang news organization o “perceived incompetence” simple bangud babaye sila.
Bangud ang balita wala nagapangita sang panahon, ang woman journalist dapat handa sa tawag sang kinahanglanon (call of duty). Des oras sang gab-i o ligum dulom pa nga kaagahon, ginapangayo ang availability.
Glamorous kon pensaron apang indi hamak nga kabudlayan ang luluksuhon.
Nahatagan sang kahigayunan ini’ng inyo alagad sa paglaragway o pagsaysay sang mga hangkat nga ginaatubang sang women journalists sa forum “Breaking Barriers” nga ginsakdag sang Regional Gender and Development Committee (RGADC) sang Regional Development Council (RDC) 6.
Didto ginpaambit ko ang larawan sang kabudlayan sang mga working mothers bilang journalists kag kon paano nila ginabalanse ang duha ka katungdanan.
May yara nga kon kaisa dal-on na lang sang nanay ang bata sa workplace kon wala na gid sang may mabilinan.
May kaupod man kami nga gin-video call na lang niya ang iya anak nga maluyag pa kontani mamati sang ila kinaandan nga story telling ritual sa diin ang iya anak nagahulat sang iya pagpauli sina nga gab-i nga indi naman mahimo sang iloy nga journalist nga yadto sa isa ka malayo nga lugar nga nagabantay sang development sang balita.
Hangkat man sa isa ka iloy nga atubangon ang conflict sa schedule kasubong sang hinali nga patawag sa school needs sang iya anak samtang may lalagson nga breaking news.
Wala pa labot sina ang kon kaisa maalangan sang pumpboat pauli sa Guimaras kon hinali nagpa-gwa sang gale warning ang PAGASA o maalangan sa pagpauli sa balay nila sa banwa bangud nagmunog ang ulan kag nagbaha kag hinali nga nagpamat-ud ang mga tsuper sang out- of- town PUJs sa pag-untat pamasada.
Ang Journalism nagakinahang sang pagbantay beinte cuatro oras kada adlaw. Ang mangin iloy naga-demand man sang panahon – 24/7 kon hambalon pa.
Pila sa amon mga kaupod sa Iloilo media ang nagapangatubang sini nga hangkat – ang pagbalanse sa oras sa puluy-an kag media. Bisan ano nga kabudlayan, wala nagapangduhaduha. Sila ang mga nanay na, journalists pa. (runjirjamolo@gmail.com/PN)
[/av_textblock]
[/av_one_full]
