[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LABAY MAN AKON | Single ladies ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY RUNJI JAMOLO
[/av_heading]
[av_textblock size=” font_color=’custom’ color=”]
Monday, March 27, 2017
[/av_textblock]
[av_textblock size=” font_color=” color=”]
GINATAWAG ang tanan nga single ladies. Palakpakan ang inyo kaugalingon. Ipanindugan ang inyo pagkatawo. Kon indi ka mapanindugan sang isa ka lalaki, panindugan mo ang imo kaugalingon.
Ini ang mensahe sang popular nga ambahanon ni Beyonce sa tanan nga “single ladies” labi na ang mga biktima sang paasa nga mga lalaki.
Tatlo ka tuig na nga hulathulat, wala gihapon. Karon nga nakapamat-ud na nga mag-solo flight na lang ang isa, lagson? May gusto ka gali, tani, “you could have put a ring on it.”
Panuknaon ini sang babaye nga nagahulathulat sang marriage proposal sang lalaki nga iya naluyagan.
Beh! Marisi mo na!
Daw makahalam-ut pamensaron. Pero madamo sa mga babaye – single ladies – ang naguba ang pagsalig sa kaugalngon bangud sa pasaligsalig sang lalaki. Rejected. Down.
Kasubong bala nga daw sa kasal na lang sa lalaki nga iya ginahigugma ang kulang kag ma-kompleto na ang iya pagkatawo. (Utro pa gid ina’ng linya sa romantic comedy-drama sports film nga Jerry Maguire sang 1996), “You complete me.”
Ay, ka-cute. Nakakakilig. Pero, sayup. Gin-condition sini nga linya ang sayup nga pamensaron nga indi kompleto ang pagkatawo sang isa ka dalaga kon wala sang lalaki nga naluyag sa iya. Kasubong bala nga dapat may “prince charming” gid para mangin malipayon ever after ang isa ka babaye.
Samtang nagapati ako sa “forever” kag malipayon ako para sa akon mga abyan kag kakilala nga blissful ang ila married life, ginakilala ko man ang kinamatarung sa isa nga magpabilin nga single.
Wala sing dapat ikahuya sa civil status nga “Single”. Labi na gid kon may edad na, single pa.
“Ay, laon ka?”
Kon maka-react dira ang iban, wagas! Kasubong bala nga daw indi acceptable sa katilingban ang laon. Gina-stigmatize sang sosyedad ang pagkalaon. Over exploited na gani ini sa mga soap drama. Porque ang laon, mapintas, lonely, indi makahibalo magpalangga, kag madamo pa nga iban nga negative connotation sa “spinster”.
Ngaa wala ka nakapamana?
Sini’ng karon lang may nabatian ako nga sukna nga kadamo sang mga award mo, wala ka nakapamana? Huh! Ano bala ang connection sa kadalag-an sa career sa pagpamana?
Ginkabig ko na lang yadto nga “not updated” siya seguro. Kailo kay wala gid siya seguro makasulapo sang 13 Sexual Reproductive Health Rights. Ang ikapito dira nagakilala sang kinamatarong sang tawo o mga tawo “to protection against requirement to marry without his/her consent”. Lakip sa kinamatarong nga ina ang pagkilala sang rights of individuals to choose to remain single without discrimination and coercion.
Dako gid ang kakibot sang isa sang nakita ang akon ngalan sa registry. “Ay, amo gihapon ang imo apelyido?” Pabalang ko man siya nga ginsabat, “gusto mo islan sang apelyido mo, haw?” (Ano ang karapatan nya sa pagsukna sa akon sina? Single man gani siya!) Bangud lalaki siya, sa aton nga kasuguan sa Pilipinas indi nya gid maislan ina by ground of marriage. For information, Sir (sa pensar ko lang) bisan magpakasal pa ang babaye, puede gihapon niya dal-on ang iya apelyido.
“You missed one half of your life!” (Kay indi ako kasado?) Weh! Diin ko abi ginwigit ang nadula ang katunga sang kabuhi ko? (Payuhum ko, trying to contain myself kon wala nagataas ang kilay ko.)
Ambot kon wala namulalungan sang iban ang nagakawas sa ila baba. Dira gid madakpan kon ano ang unod sang ila pensamiento. Ambot kon pahisahisa sang ila malipayon nga married status (nga nalipay naman ako kay friend kami mo.)
Pero napaidaluman ko gid man ka pamensar ang pamangkot nga ina. Paano ka mahidlaw (miss) sa bagay o relasyon nga wala ka sina? Indi bala nga kon madula sa imo ang isa abyan, pangita-ngitaon mo? Pero paano ko pangita-ngitaon ang tawo nga wala pa nangin bahin sang kaugalingon mo?
May nag-intrude pa gani sa akon nga personal space. Ang text message nagsiling nga “ato na si friend ta, sincuentahon na, nakahingagaw pa pakasal. Ikaw ya?”
Madamo ako sang mga abyan kag kakilala nga lalaki. Appreciate ko sila tanan kag love ko gid ang iban sa ila (lalinlain lang ugaling ang level). I am not looking. Wala ako nagabugtaw kada aga nga nagatangla sa langit nga basi subong na ang adlaw nga makita ko ang akon “prince charming who will sweep me off my feet.” “You got me at hello” Please…
Puede bala mangin kind kita sa mga single ladies, laon na o indi pa. Likawan na naton ang pag-pressure sa ila sa pagpamana. Makabulig kita to make them feel good paagi sa pagbaton sa ila bilang single ladies.
All the single ladies, put your hands up! Celebrate your womanhood. (runjirjamolo@gmail.com/PN)
[/av_textblock]
[/av_one_full]
