[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LALAKI GINLASAK SANG TRAK ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginbawian sang kabuhi ang isa ka lalaki matapos nga gintapak sang 6-wheeler truck sa atubang sang gasolinahan sa Barangay San Sebastian, Sta. Barbara, Iloilo alas-9:30 sang aga kahapon.
Dead-on-arrival sa Western Visayas Sanitarium sa Sta. Barbara si Winoc Banico y Alarcon, 47, kasado kag residente sang Brgy. Inangayan, Sta. Barbara, bangod sang patal nga pilas sa tuo nga porsyon sang ulo.
Sa interbyu sang Panay Balita kay PO2 Dave Tabella, imbestigador sang Sta. Barbara Municipal Police Station (MPS), mapatughong kontani ang biktima sang iya Honda 125 nga motorsiklo sa gasolinahan sang aksidente nga natumba matapos nga nadulaan sang balanse.
Nataboan naman nga nagasunod ang trak nga ginamaneho ni Jeffrey Reyes, 33, kag residente sang Brgy. Nasugba, Sta. Barbara, kag wala sini natalupangdan nga natumba ang motorsiklo rason nga padayun ini sa pagmaneho tubtob nga nalasak sang ulihi nga rueda ang ulo sang biktima.
“Nagasakay ni sia sa iya motor nga Honda nga 125, bale mapa-gasolina allegedly ang ginhambal sang amon nga witness, matughong ni tani and then sa maliko na sia tani, na-out of balance sia kuno kag natumba sa motor, wherein ang nagasunod nga dump truck natapakan sia,” eksplikar ni Tabella.
Naghalin ang trak sa poblacion sang Sta. Barbara kag mapadulong na sa Barangay Duyan-duyan, Sta. Barbara sadto nga tion.
“Nauna ni ang motor kay maliko sia mapatughong, tapos ang truck going to Brgy. Duyan-duyan,” dugang ni Tabella.
Natukiban man nga wala sang ginasuksok nga helmet ang biktima sang natabo ang aksidente.
Samtang, boluntaryo man nga nagsungka sa nagresponder nga mga pulis ang drayber sang trak nga tuman ka emosyonal dala sang kakibot sa hitabo.
Nahunong naman sia subong sa karsel sang Sta. Barbara MPS kag magapangatubang sang kaso nga reckless imprudence resulting to homicide. Pero magadepende sa pamilya sang biktima kon mapasaka sila sang kaso kontra sa drayber./PB
[/av_textblock]
[/av_one_full]
