[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki nga may isa lang ka tiil gin- luwas 1-anyos nga bata sa sunog’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ian Paul Cordero
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Saturday, February 24, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Wala nangin upang sa 49-anyos nga lalaki ang sablag niya sa lawas para luwason ang isa ka tuig nga bata sa nagluntad nga sunog mga ala-1:19 sa hapon sang Huwebes sa Zone 12, Barangay Calaparan, Arevalo diri.
Sunu kay Jeffrey Robles, residente sang nasambit nga barangay kag tatlo ka tuig na nga nautdan sang wala nga tiil bangod sang masakit, nagahigda sia sa sofa sang hinali sia nakabati sang nagasinggitan nga may sunog.
“Gahilay-hilay sa sofa, gapanguyab-kuyab kay brownout mo. Ti karon may isa ka tawo nga nagsinggit, ‘May sunog, may sunog.’ Pagtamwa ko may sunog gid man tuod,” panaysayon ni Robles.
Sunod sini, ginhingagaw hakwat ni Robles ang iya TV pagwa.
“Ginlalas ko ang TV ko kag gintintin ko na lang pakadto sa baybay. Pagbalikid ko wala, daw ka hinali na lang gid. Nasunog pa gani baston ko, gintintin ko lang, abi ko gani my isa pa ako ka tiil,” dugang niya.
Sang nabutang na niya ang TV sa hilway nga lugar, nakita niya ang bata nga naga-edad isa ka tuig nga ginbilin sang iloy sini rason nga gindali-dali naman niya nga luwason.
“Pati bata nabayaan sang nanay nga isa ka tuig binalik ko, tintin naman obra ko. Sa ulihi, sang naluyahan na ako ginkamang ko na lang dala ang bata, sige lang, kamang lang nga kamang para indi lang matiphagan ang bata kag para masalbar ko sia,” sunu kay Robles.
Pahayag pa niya nga nalipay gid sia nga bisan amo sina ang iya sitwasyon, nakasalbar pa sia sang bata.
“Ang trauma indi hamak eh kay tungod sa amo ni nga sitwasyon ko wala ko kapanghibalo nga nakabitbit pa ako TV ya. Kag proud man kay nakabulig pa ako salbar sang kabuhi sang isa ka tawo,” siling pa ni Robles.
Nahibaluan nga mga alas-3:23 sa hapon na napalong ang kalayo. Naglab-ot naman sa 62 ka mga balay ang totally damaged kag 13 ang parsyal nga nasunog. Sa kabug-osan, 75 ka mga pamilya ang apektado ukon 293 ka mga tawo./PB
[/av_textblock]
[/av_one_full]