[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LAMBUNAO MAYOR GIN-DISQUALIFY SANG COMELEC’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 8, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginpapanaogan sang disqualification order sang Commission on Elections (Comelec) ang nagapungko subong nga alkalde sang Lambunao, Iloilo nga si Mayor Jason Gonzales.
Kasunod ini sang pagpabor sang Comelec sa disqualification case nga ginpasaka kontra sa alkalde sang iya kasumpong sa politika nga si anay Mayor Vicente “Bugok” Ramirez angut sa residency issue.
Ginkumpirmar naman ni Gob. Arthur Defensor Sr. sang probinsya sang Iloilo kahapon nga nakabaton sia sang desisyon sang Comelec angut sa disqualification ni Gonzales nga hinablos man sini.
Pero kumpiyansa si Defensor nga makasumiter si Gonzales sang motion for reconsideration bangod nga mahimu pa nga i-apelar ang iya kaso sa Comelec en banc.
“Wala pa ako kabasa sang desisyon. But I’m sure he will pass a motion for reconsideration. Ang pag-intindi ko ang desisyon iya man lang sang isa ka division. That decision is still appealable in Comelec en banc pero in the meantime si Mayor Gonzales will seek reconsideration,” siling sang gobernador.
Indi man kinahanglan nga magbutang sang bag-o nga opisyal para magtal-os sa posisyon ni Gonzales bangod nga puede pa makapadayun sa pagserbisyo ang alkalde samtang ginahulat ang resulta sang iya apelar, dugang ni Defensor.
“Indi man ina immediately executory. Ang desisyon sang division indi ina immediately executory so wala pa ina sang may magapungko. He Stay. He remain as mayor while he’s appeal is being considered,” pahayag pa sini.
Matandaan nga isa sa ginbasehan sang Comelec sa pagpapanaog sang disqualification order kontra kay Gonzales amo ang pagserbe sini nga konsehal sang Syudad sang Iloilo antes nagpapili bilang alkalde sang Lambunao sadtong Mayo 2016 nga eleksyon sandig man sa kopya sang iya Certificate of Candidacy (COC).
Ginbutang ni Gonzales sa COC nga naga-istar sia sa banwa sang Lambunao sa sulod sang duha ka tuig kag lima ka bulan apisar nga nagapungko pa sia bilang konsehal sang syudad.
Sa interbyu naman sang mga katapo sang media kay Gonzales, ginhambal sini nga ginapreparar na niya ang sabat sa desisyon sang Comelec kag sa sulod sang lima ka adlaw magasumiter sia sang motion for reconsideration./PB
[/av_textblock]
[/av_one_full]