[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Love myths’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY RUNJI R. JAMOLO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Monday, February 26, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
BEBE ko, bana ko/sawa ko, my forever…
Ay abaw! Sa katam-is sang mga tinaga nga nagalinupad pa hasta subong.
Manugtapos na ang bulan sang Pebrero, (bulan sang paghigugma) pero hasta subong mabatyagan gihapon naton ang gugma sang mga pamantan-on.
O, ang mangin juven…kag in love.
Nagaka-shock seguro ang iban sa aton sa mga pagpahayag o pagpakita sang mga pamatan-on, labi na gid ang mga teenagers, sa ila mga balatyagaon.
Sa aton nga nakaagi in love, agree kita nga kanami nga feeling ang ma-in love o mangin in love…labi na gid karon nga panahon nga daw sa ka imposible nga magbulagay ang magkahagugma. Bag-o lang nagbulagay (separate) apang daw sa nahidlaw naman liwat.
“Babe, miss ko na you!” Gilayon text sang girl sa iya boyfriend nga nabilin pa iya sa jeep (PUJ). Ang boyfriend kaina pa ginahulat nga magpauli apang atrasado na sa family dinner table kay ginahulat pa ang girlfriend nya nga makatapos ang klase para sila makadungan pauli nga duha. Yadi pa ang treinta minutes (30 minutes) nga shared time sa sulod sang salakyan. Holding hands na, may share-share pa sang music nga exclusive lang nila nga duha ginapamatian.
Exclusive dating.
Nagabuylog ako sa pagpati nga dapat naka-focus lang sa isa ang aton interes kon gusto naton kilalahon ang kinaiya sang kahagugma. Ina ang tinutuyo (purpose) sang courtship. Kon “exclusive dating” na ang magkapareha, nagakahulugan nga bukas na sila sang paghisayud sang batasan sang tagsa. Liwan sang sa “looking” stage pa nga bukas ka pa nga pangaluyagan sang iban o magpangaluyag sa iban. May pagpati abi nga makilal-an mo lang ang imo partner kon updanay kamo. Indi ina’ng girlfriend o boyfriend mo na, may gina-entertain pa nga iban. (Lapad mata ang tawag sina ya.)
Kon yara na sa girlfriend-boyfriend stage ang magkapareha, naga-familiarize na sila dapat sa social circle o social sphere sang tagsa. Sin-o ang mga katapo sang pamilya sang iya kahagugma, kon sin-o ang mga himata o kon sin-o ang mga associates nila.
OA.
Apang kon kaisa daw sa nasobrahan man ang iban nga magkahagugma. Sa sobra nga pagtamdanay sa isa ka isa, daw ina bala nga sila na lang ya ang tawo sa palibot. Wala sang labot kon sa public places sila ah. Ahay, ang mga kaingod nila nga pasahero sa sulod sang PUJ daw sa mapatay na lang sa inggit sa katam-is sang ila pagtamdanay.
May ka-OA-han pa gid dira. Bana ko ukon asawa na ang ila tawganay sa isa kag isa. Pila pa lang gani ka monthsarry ang nagligad, bana o asawa na ang ila tawganay. Okey man lang ina kon ang future nga wedding date ang sa focus nila, pero makabahala ang ina nga sahi sang “labeling.” Kon bana o asawa ang pagtawag nila sa isa kag isa, indi malayo nga ma-mislead sila. Samtang ang mag-asawa naga-enjoy sang “sex” in the context of marriage, dapat indi malimbong ang isa ka dalaga nga maghampang balaybalay sa iya boyfriend (kapin pa kon mapusog kag masako mag-alungay ang lalaki.) Kwedaw guid, mga Inday, ang sex dapat lamang sa sulod sang kasal kag wala na sang liwan pa nga kondisyon. Mabudlay na kon “babay” na kag ikaw na lang ang nabilin nga magdala sang bunga sang inyo relasyon kay ang isa “kumaripas na ng takbo.”
May ara man dira nga girlfriend nga kon pangayuan ang boyfriend sang mga material things wala naga-consider kon bala masarangan baklon sang estudyante niya nga kahagugma. (Kundi, todo diskarte man ang nobyo nga makadelihensya para sa igahatag nga regalo sa nobya nga mapalipay nya.) Agree ako sa young love, sa teenage relationship. Ina bala ang pag-grow sang mag-partner halin sang estudyante pa sila tubtub mag-professional na. Ang pag-updanay nga sa kapigaduhon man o sa kaayuhan.
Sa “courting stage” dapat ginasakdag sang magkapareha ang development o growth sa isa kag isa. Indi ina’ng isa lang ang nagapaayon. “Bebe ko” pa kon magtawganay sila. Kon “baby to baby” (o child to child ang relationship, malabo suno sa mga psychologists ang pag-prosper sang relasyon. Nagakahulugan nga yara pa lang kamo sa paayon nga stage. Kon “baby” naman ang pag-treat sang isa ka partner sa kahagugma nya, daw kasubong lang nga ang “adult partner” lang ang may obligasyon sa pag-feed sang ego sang iya kahagugma.
Ang matuod-tuod nga relasyon nasandig sa pag-treat sang partner mo nga imo kapareho. Equal. Co-equal. Ina ang mag-asawa. Tuwang sa mga obligasyon para sa pamilya. Pero sa palaabuton pa ina ya. Sa karon ang mga “love myths” sang mga young couple dapat ipahigad kag sundon ang dapat nga pagtamdanay. Treat your boyfriend or girlfriend as your co-equal. Support each other. Stay within the bounds…. Indi maglumpat. Empower anay ang inyo mga kaugalingon paagi sa pagtapos sang inyo pagtuon despues mangita sang obra o magpasad sang negosyo nga pagakitaan ninyo nga duha kon kamo na gid man. Panindugan mo ang “no sex before marriage” kay true love waits. (runjirjamolo@gmail.com/PN)
[/av_textblock]
[/av_one_full]
