[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ MAASIN PNP GINSALAKAY SANG NPA | MAASIN PNP GINSALAKAY SANG NPA ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Monday, June 19, 2017
[/av_textblock]
[av_textblock size=” font_color=” color=”]
Syudad sang ILOILO – Napuhag ang bug-os nga Kabisay-an Nakatungdan sang ginsalakay sang 40 tubtob 50 ka armado nga mga katapo sang New People’s Army (NPA) ang Maasin Municipal Police Station (MPS) sa probinsya sang Iloilo alas-10:45 sang aga kahapon.
Sunu kay Chief Superintendent Cesar Hawthorne Binag, regional director sang Police Regional Office 6, nga nagsulod sa Maasin MPS nga ginadumala ni Senior Inspector Ray Cordero ang duha ka babae nga ginapatihan mga miembro sang rebelde para magpakuno-kuno nga mapa-blotter.
Makaligad ang pila ka ginutlo, gulpi lamang nga nag-abot ang mga kalalakinhan nga nagasuksok sang duag green nga t-shirt kag may tabon ang iban sa mga nawong kag armado sang malagba nga mga pusil.
Una nga gingapos sang mga rebelde ang duha ka pulis nga nagabantay sa gwa sang presinto kag ginsunod ang duha ka pulis nga babae nga yara naman sa sulod.
Ginpahapa man nila ang apat ka mga pulis kaupod ang lima ka iban pa nga naga-duty sadtong mga tinion kag ginatutokan sang iban nga mga rebelde sang ila armas.
Ginpangkuha pa gid nila ang walo ka mga M16 armalite rifles, apat ka glock 9mm pistols, lima ka handheld radio, isa ka base radio, duha ka laptop, mga alahas, kag kwarta nga P25,000 sang mga priso. Matapos ini, gilayon nga nagsakay ang mga rebelde sa nagahulat nga elf truck nga may tabon nga tela pero antes sila nagpalagyo gintaban man nila ang Hilux patrol sang Maasin MPS. “Walang na-abduct na pulis, walang na-injured na pulis. Talagang ginawa ng pulis ang ‘yong kanilang puwedeng magawa kaya lang masyadong marami talaga at napaka-swift, in less than 15 minutes. Kasi sentro to eh. Hindi naman to bundok kaya nagpanggap sila magpa-blotter. Naka-civilian sila kaya nakapasok. So ‘yong nais lang nila is ‘yong magkanaw,” hambal ni Binag. Nahibaluan man nga siam lang sa 23 ka mga pulis sa Maasin MPS ang naka-duty kahapon rason nga wala gid sila sang nahimu sa madamo nga puersa sang mga rebelde. “Dito sa Maasin MPS ang duty kanina ay siam. Dalawa sa patrol car, dalawa sa labas, dito pa lang sa labas pa, swift talaga. Parang raid ng mabilisan. Tapos mayroon sa likod kasi konektado to sa palengke,” dugang ni Binag.
ROBBERY KAG CARNAPPING
Nagapati si Binag nga robbery kag carnapping ang tuyo sang mga rebelde matapos nga gintaban nila ang kwarta kag mga pusil sang mga pulis. “Inuulit ko, pumasok sila dito, ang NPA para nanakawin ang mga baril, pera, alahas, radyo, celllphone, at laptop ng ating pulis. At pag-alis, ginamit nila ‘yong ating mobile car,” hambal ni Binag sang nag-atubang sa mga katapo sang media kahapon sang hapon. Pero makaligad ang halos 30 minutos, narekober sa Barangay Cagay, Alimodian ang patrol car. Ginsaysay naman sang mga residente nga ginbilin lang sang mga rebelde ang patrol car kag nagsakay sa de-pasahero nga dyep pasaka sa nabukid nga bahin sang banwa. Samtang, ginsiguro ni Binag nga mapasaka sila sang kaso nga robbery kag carnapping subong nga adlaw kontra sa mga rebelde.
NPA, GIN-AKU PAGSALAKAY SA MAASIN PNP
Gin-aku sang Coronacion Chiva “Waling-Waling” Command sang New People’s Army – Panay Region paagi sa ila tagpamaba nga si Ka Julio Montana ang pagsalakay sa Maasin PNP.
Sunu sa gin-post nga pahayag ni Montana sa Facebook page nga ginadayaw nila ang isa ka unit sang NPA-Napoleon Tumagtang Command bangod sang madinalag-on nga operasyon sa Maasin, Iloilo matapos nga nakumpiskar ang mga armas kag mga bala sang mga pulis.
“Pinupuri ng New People’s Army sa rehiyong Panay ang isang yunit ng NPA-Napoleon Tumagtang Command sa matagumpay nitong reyd sa istasyon ng pulis sa bayan ng Maasin, probinsya ng Iloilo, bandang 10:30 ng umaga ng Hunyo 18, 2017. Matapos ang 20-minuto na operasyong walang putok, nakumpiska ng NPA ang 11 na M16 Armalite rifle, 4 na pistola, mga bala at mga vhf radio. Maayos at ligtas na naka-withdraw ang mga Kasama pagkatapos,” pahayag ni Montana.
Gindugang niya nga gindis-armahan sang NPA ang Maasin PNP bangod sang madugay na nga pagpangilkil sang mga miembro sini sa magagmay nga mga manogbaliya sa Maasin kag nagapabaya sa paglapta sang ilegal nga droga kag ilegal nga pasugal. Sabat man ini sang grupo sa ginapatuman sang AFP kag PNP nga kampanya kontra sa rebolusyonaryo nga kilusan sa bug-os nga pungsod. “Ang istasyon ng Maasin PNP ay dinis-armahan ng NPA dahil matagal nang nangingikil ang mga tauhan nito sa mga maliliit na vendors sa sentro ng bayan, samantalang nagpapabaya lamang sa paglaganap ng ilegal na droga at sugal. Ito ay sagot din ng NPA-Panay sa kontra-mamamayang Oplan Kapayapaan at kampanyang todo-gyera na pinapatupad ng AFP at PNP laban sa rebolusyonaryong kilusan sa buong bansa,” dugang ni Montana.
MGA PULIS SA MAASIN PNP GIN-RELIEVE
Pila ka oras matapos nga ginsalakay sang mga rebelde ang Maasin MPS, ginmando ni Binag ang pag-relieve sa 23 ka mga personnel diri. Temporaryo nga dumalahan sang Public Safety Company ang Maasin MPS samtang padayun ang pagpa-idalom sa nasambit nga mga pulis sa debriefing.
“Winarningan naming lahat ng police station, so palitan ko lahat ng member dito sa Maasin. Ang 23 including the chief of police ay papalitan ko ng ating Public Safety Company hanggang matapos ang debriefing,” hambal ni Binag.
Imbestigaran man ang mga pulis para mabal-an kon may kapabayaan sila pero samtang ginahimu ini, ini sila ang temporaryo nga i-assign sa Campo Delgado.
MGA PUMOLUYO NAPUHAG
Bangod sang natabo, wala naman malikawan sang mga pumoluyo sa Maasin ilabi na sang mga nakakita nga makabatyag sang kahadlok.
Sa interbyu sang Panay Balita kay alays Toto, 30, nga drayber sang motorsiklo, samtang nagahulat sia sang pasahero ginabanta 20 metros ang distansya sa Maasin MPS, nakita niya ang isa ka elf truck nga puno sang karga nga armado nga mga kalalakinhan nga gulpiyada lamang nagpanaog kag nagsulod sa presinto.
“Ang elf nga green naka-trapa. Diri nag-agi tapos naghinay-hinay tapos nagliso da oh. Pagliso nagbukas ang tubing sang frontseat tapos naglukso ang NPA, damo sila. Ari na iban sa atubangon ko,” hambal ni Toto.
Ginhambalan man sia lakip na ang iban pa nga mga tawo sang mga rebelde nga maghalin na lang para wala sang madalahig.
Nabatian man ni Toto ang isa ka lupok nagikan sa mga rebelde antes nagsulod sa presinto.
Nakita man sini nga ginpalibotan sang mga rebelde ang bilog nga presinto.
Para naman kay alyas Nonoy nga drayber man sang traysikol, samtang nagamaneho sia padulong sa banwa, gulpiyada lang sia ginbalabagan sang mga rebelde kag ginhambalan nga magbalik.
Dala sang kakulba, nagbalik na lang si Nonoy kag wala na makasulod sa banwa.
“Nagsinggit kanamon nga balik lang kamo. Ti, nagbalik kami eh. Wala na nagdayon kami nga masulod eh,” hambal ni alyas Nonoy./PB
[/av_textblock]
[/av_one_full]
