[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MAG-AMAY NAGLAB-ANAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Monday, May 29, 2017
[/av_textblock]
[av_textblock size=” font_color=” color=”]
Syudad sang ILOILO – Ospital ang gintup-an sang mag-amay matapos nga naglab-anay sa Barangay Igcococ, Sibalom, Antique takna alas-cinco sang aga sang Sabado.
Ginabulong pa subong sa Ramon Maza, Sr. Memorial District Hospital sa Sibalom ang mag-amay nga Dalmacio Marcelo y Florentino, 76, nga may pilas sa tiyan, kag bata nga si Juvene Marcelo y Sareno, 42, soltero, may mga pilas sa magtimbang nga kamot, wala nga paa kag iban pa nga bahin sang lawas.
Sandig sa imbestigasyon sang Sibalom Municipal Police Station (MPS), nagpadulong sa talamnan si Juvene para mag-obra pero ginsunod ini sang amay nga may bitbit nga binangon kag basta na lamang ginhatok-hatok labu sang makapila ka beses.
Naagaw naman sang bata ang binangon kag gindepensahan sini ang kaugalingon paagi sa paglabu sa iya amay.
Natapna lang ang komosyon sang namarasmasan si Juvene rason nga nagpauli ini sa ila balay kag nagpangayo sang bulig sa ila mga himata nga dal-on sila nga mag-amay sa ospital.
Samtang ginasulat ini nga balita, indi pa maathag sa kapulisan kon ano ang motibo sang amay sa paglabu sa iya bata matapos nga wala pa makatuad ang ila pamilya sang ila problema./PB
[/av_textblock]
[/av_one_full]
