[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MAGPAMILYA GINPANGBUNU SANG HUBOG’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Tuesday, April 18, 2017
[/av_textblock]
[av_textblock size=” font_color=” color=”]
OILO – Na-ospital ang mag-asawa kag ila nga bata makaligad nga ginpangbunu sila sang hubog nga suspetsado alas-6:30 sang gab-i sang Domingo sa Sitio Buranan, Brgy. Poblacion, San Rafael, Iloilo.
Gindala sa Barotac Viejo District Hospital ang mag-iloy nga Lorna Aliligay y Montero, 57, nga may pilas sa idalom nga porsyon sang baba kag bata nga si Desan Escuña y Aliligay, 27, may pilas sa tuo nga siko.
Samtang ginsaylo naman gilayon sa Western Visayas Medical Center sa sining syudad ang bana nga si Diosdado Aliligay y Mapa, 64, bangod sang pilas sa wala nga dughan.
Sunu sa kapulisan, ang suspetsado amo si Pio Daquera y Degracia, 59, kasado kag residente sang nasambit man nga lugar.
Sa interbyu sang Panay Balita kay Inspector Ruben Perra, hepe sang San Rafael Municipal Police Station (MPS), nagapahuway-huway ang biktima nga si Diosdado sa gwa sang ila balay sang naglabay ang suspetsado kag basta na lamang sini nga ginhandos sang ice pick ang biktima.
“Bale nag-agi ang aton suspetsado kay lapitay man balay nila. Tapos wala man sang ina-ano, ginbunu ya ang iya bilas nga si Diosdado. So pagkita sang asawa, nagtambag kontani pero ginbunu man sila,” eksplikar ni Perra.
Pero bisan may pilas, nagdalagan pa si Diosdado pasulod sa ila balay kag nakapangayo sang bulig sa iya mag-iloy. Diri naman nga nagpatunga ang mag-iloy pero ginhandos man sila sang ice pick sang suspetsado.
Natapna lamang ang komosyon sang nag-abot ang iban pa nila nga mga himata rason nga nadakpan man ang supetsado.
Daan naman nga hiligut-anon ang ginasundan sang San Rafael MPS nga motibo sa natabo kon sa diin sang una ginpalukpan sang suspetsado ang biktima.
Sa karon, si Daquera nahunong na sa karsel sang San Rafael MPS para atubangon ang nakomiter nga krimen./PB
[/av_textblock]
[/av_one_full]
