[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MAGTIYA GINBUNU SANG KAWATAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Monday, July 3, 2017
[/av_textblock]
[av_textblock size=” font_color=” color=”]
Syudad sang ILOILO – Patay ang tiya samtang pilason ang hinablos sini matapos nga ginpangbunu sila sang kawatan nga nagsulod sa ila balay samtang todo ang pagbubo sang ulan alas-12:02 sang kaagahon kahapon sa Barangay Parara Sur, Tigbauan, Iloilo.
Dead-on-the-spot si Baldomera Duga y Gonzaga, 60, bangod sang patal nga mga pilas sa magtimbang nga dughan, tiyan, liog, kag kilid sang lawas.
Maswerte naman nga minor lang nga samad sa tuo nga paa kag wala nga kamot ang naangkon ni Mary Joy Cabuguas y Duga, 24, rason nga nakagwa man ini dayon sa ospital matapos nga mabulong.
Sandig sa imbestigasyon sang Tigbauan Municipal Police Station (MPS), samtang nagakatulog ang magtiya, hinay-hinay naman nga nagsulod ang wala pa nakilala nga suspetsado nga ginlaragway lang nga nagataas sang 5’9″ kag may tabon ang nawong paagi sa pagkakas sang anum ka mga jalousie sa bintana.
Una nga nakamutik si Mary Joy nga nagasulod ang matugnaw nga hangin sa iya kwarto rason nga iya gin-usisa kag nakibot sia sang nakit-an ang suspetsado nga armado sang patalom.
Gina-alegar man nga naghambal ang suspetsado nga kwarta lang ang iya kinahanglan apang ginsabat ni Mary Joy nga P20 lang ang kwarta niya kag yara sa pihak nga kwarto ang iya kahita nga naga-unod sang P100.
Nagsunod ang suspetsado kay Mary Joy padulong sa pihak nga kwarto kon sa diin didto naman nagakatulog si Duga.
Pero sang nakit-an sang suspetsado si Duga, ginlamposan niya ini sang matig-a nga bagay tubtob nga nagpukotay sila kag nabun-an niya ang tigulang.
Ginhana man sang suspetsado nga bun-on si Mary Joy apang maswerte lang nga kibyas ang naangkon sini nga pilas
Gintuyo pa ni Mary Joy nga sipaon sa kinatawo ang suspetsado apang nakalikaw ini rason nga gintayaan sia sini patalom kag ginhambalan nga maghigda sa katre.
Nagpamalibad sa paghigda si Mary Joy tubtob nga nakapalagyo ang suspetsado dala ang P120 nga kwarta.
Dimalas lang nga nabilin ang sweat shirt sang kawatan nga amo naman magaserbe nga ebidensya sa pagsolbar sang krimen.
Nag-gwa man sa report sang kapulisan nga nakit-an na daan sang mga residente ang suspetsado sa gwa sang tiangge sang magtiya pero wala nila ginsapak sa pagpati nga nagapanilong lang ini bangod sang mabaskug nga ulan.
Nagapati man ang kapulisan nga yara man lang sa palibot ang may kahimuan sang krimen bangod nga kabisado sini ang pasikot-sikot sa sulod sang balay sang magtiya.
Samtang ginasulat ini nga balita, padayun pa ang imbestigasyon sang Tigbauan MPS para makilala ang suspetsado./PB
[/av_textblock]
[/av_one_full]
