[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Tuesday. September 19, 2017
[/av_textblock]
[av_textblock size=” font_color=” color=”]
ANG PIGOS nga tawo, ginadalaganan ang gobyeno. Ang gobyerno amo ang tag-amlig kag tagpangapin sang pumuluyo.
Apang kun ang gobyerno na ang nagapamigos, diin madalagan ang mga pumuluyo?
Handum sang mga Filipino ang kamot nga salsalon sa pagligwat sang sistema sa gobyerno. Ang sistema nga ginapatumbayaan sang gobyerno nga maghari ang mga may poder kag sindikato (kaangay sang ilegal nga droga kag iban pa nga krimen).
Sang naghingagaw sa pag-file sang iya certificate of candidacy ang karon Presidente nga si Rodrigo Duterte, nabuhi ang paglaum sang mga Filipino nga mapadasig ang pagtapna sang krimen sa pungsod nga ginapatihan tuga sang ilegal nga droga.
Nagdaug si Duterte kag gilayun naghulag ang iya poder. Ginpanghingadlan ang mga ginapatihan may kahilabtanan sa ilegal nga droga. Politiko, pulis, abogado, huwes, piskal kag iban pa. Ang iban nga ginhingadlan napatay na samtang ang iban, ginapahog pa lang nga utasan sang kabuhi.
Nagaudyakan ang iban kay kuno ini na ang solusyon sa problema. Nalipay sila nga makita nga nagadanaw ang dugo sang ginasiling drug addicts, protectors, pushers kag iban pa nga angut sa drug business. Siling sang record, masobra na sa tres mil ka tawo ang napatay sa war on drugs. Ini nga numero ang nalista lang apang ang wala nalista, sorry na lang sila.
Nakabaton sang kritisismo si Duterte gikan sa human rights advocates sa luwas sang pungsod. Ang United Nations kag ang European Union nagpabutyag na sang ila pagkadismaya. Ang Commission on Human Rights mainit ang pagpakamalaut sa mga extrajudicial killings. Gindala na sa Senado ang hearing pero siling nila wala ebidensya.
Padayun ang kritisismo sa gyera kontra droga ni Duterte. Nagtaas ang pagpamatok sang mga Filipino. Siling sang gobyerno kun maglala ang sitwasyon ilabi na sa rally sa pagdumdom sang martial law, possible nga may nationwide declaration sang martial law sa Setyembre 21.
Ini ang klase sang gobyerno nga indi gusto sabdungon ang ila mga kapaltahan. Gusto nila pabay-an lang nga mag-abusar sa poder sa mascara sang away kontra droga. Ini ang makatalagam. Bisan ang media hayag na nga ginakontra. Ginapahog. Ginainsulto.
Ang gobyerno nga wala sang pagtahod sa libre nga pagpahayag kag oposisyon. Makatalagam. Kun ang gobyerno na ang murderer, tuman ini ka makatalagam bangud makapanaming sila sa legal nga proseso.
Makatalagam ini nga gobyerno bangud target lang ang mga mahuyang nga mga imol apang indi makatandog sa mga manggaranon nga ara sa ginatawag “gated subdivisions.”
Makatalagam ini nga gobyerno kun imol ka! (jpranco1975@gmail.com/PN)
[/av_textblock]
[/av_one_full]
