[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Makina sang boom crane nasunog ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Yara sa P.5 milyon ang balor sang kahalitan nga gintuga sang pagkasunog sang engine compartment sang boom crane sa cargo vessel nga nagadungka sa Iloilo River sa Muelle Loney, City Proper kahapon sang aga.
“According sa second engineer sang vessel, sa may fuel filter sang diesel engine, may nagatulo, may leakage. So ang ginhimu niya, ginsugo niya tawo niya nga butangan sang sawdust para supson ang naga-spill. Siguro wala na tinluan nagmala tapos sige pa-andar sang engine, nag-abot sa punto nga nag-ignite, amo to dayon,” eskplikar ni Fire Officer 2 Rollen Jormina, imbestigador sang Bureau of Fire Protection (BFP).
Ang nasambit nga cargo vessel nga Starlite Tamaraw may karga nga feeds nga halin pa sa Syudad sang Iligan kag nagdungka sa sining syudad sang Oktubre 3.
Sunu naman kay alyas Nonoy, drayber sang trak, nakit-an niya nga nagsugod ang kalayo sa engine compartment sang boom crane alas-10:54 sang aga kahapon.
“Nagakarga kagina sang feeds, nakita ko nagkalayo ang buli sang crane. Ti, nasunog, nagsingggit kami,” siling pa ni Nonoy.
Angut sini, ginpahanumdom si Superintendent Jerry Candido, city fire marshal, ang mga opisyal sang cargo vessel nga indi pagbutangan sang mga bagay nga madali masunog ang compartment sang makina.
“Typically, that is an example of negligence. We must not place any combustible material sa engine compartment simply because it is producing heat. Now, kung ang combustible material ibutang mo dira, may possibility nga spontaneous ang kalayo brought by the heat of the engine,” hambal ni Candido.
Na-deklarar naman nga fire-out pagka-alas-11:18 kahapon sang aga./H
[/av_textblock]
[/av_one_full]
