[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
SA PROBLEMADO nga kabataan, ginikanan ang balikan! Kay man salawayon nga mga ginikanan.
Sining karon lang nagpaggwa sang statistics ang Task Force on Morals and Values Formation (TFMVF) nga mga 651 na ka kabataan ang nadakpan sa paglapas sang curfew for minors. Sa sini nga numero 43 ang second offenders samtang may walo kag makatatlo na nadakpan nga naglapas sang ordinansa. Bangud sini ang ginikanan nga salawayon sining walo ka kabataan pagakasuhan sang paglapas sang curfew for minors ordinance.
Ang TFMVF hugot ang ginahimo nga kampanya agud indi na magliho-liho ang mga minors sa dis-oras sang kagab-ihon. Sa pihak sini madamo sa gihapon sang mga kabataan nga nagalapas. Paglapas nga bangud wala ka hibalo, ukon intentional nga paglapas sa pagpati nga indi man sila madakpan kag masilotan bangud minors.
May mga minor pa suno kay TFMVF head Jorge Duron nga maisog pa sa poghangkat sa mga operatives bangud nagapati nga protektado sila sang kasuguan.
Sa sini nga sitwasyon makasiling ang iban nga sala ini sang ginikanan. Ngaa kuno indi nila maatipan ang kabataan kag mapunggan sa pagliho-liho sa gwa sang ila puluy-an?
Matuod nga ang mga ginikanan ang una nga dapat mag-ubay sa ila mga kabataan sa tadlong nga banas. Matuod man nga may mga ginikanan nga iresponsable sa pagtatap sang ila mga kabataan pero may kamatuuran man nga may mga kabataan nga bisan anhon mo ka ubay, nagasipak gid sang banas nga iya ginausoy.
Ngaa bala nga bisan ginatuytoyan ang mga kabataan sang ila mga ginikanan agud mangin matarong nga tao, ngaa mas ginapili nila ang magtinunto?
Ngaa bala mas manami batyagon ang magpanglakaton sa banas padulong sa tunukon nga palaabuton? Ang dalan padulong sa kalaglagan matawhay kag masadya ang pagpanglakaton apang ang pagadangatan nga duog, napun-an sang kadulom.
Sa pagsanyog sang syudad sang Iloilo nangin mas makagalanyat man abi ang maglagaw sa ti-on sang gab-e. Makailibog ang igpat sang mga suga kag lagbong sang mga ambahanon nga kaangay sang magnet nga nagaguyod sa mga kabataan nga magdapo sa mga duog sang kalingawan.
Sa pag-uswag sang syudad, indi man kuntani mangin biktima ang kabataan sang salimpapaw nga kasadya nga madala sini sa ila. Ang kauswagan amo dapat ang magdala sa mga kabataan sa masanag kag bugana nga bwasdamlag. (jpranco1975@gmail.com/PN)
[/av_textblock]
[/av_one_full]
