[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MANGUNGOMA GINTIRO SA IYA BALAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Saturday, July 1, 2017
[/av_textblock]
[av_textblock size=” font_color=” color=”]
Syudad sang ILOILO – Pilason ang mangungoma matapos nga gintiro samtang yara sia sa sulod sang ila balay sa Sitio Kaburihan, Barangay Santo Rosario, Ajuy, Iloilo alas-7:35 sang Huwebes sang gab-i.
Ginpadangat sa Barotac Viejo District Hospital si Hermenio Albansis Jr., 46, kasado, kon sa diin nakaangkon ini sang apat ka mga samad sa tuo nga abaga tuga sang pagtiro gamit ang 12 gauge shot gun.
Ang ginatudlo naman nga suspetsado amo si Albert Panes alyas Botik.
Sandig sa impormasyon nga nakuha sang Panay Balita kay Chief Inspector Charlie Sustento, hepe sang Ajuy Police Station, nagapungko si Albansis sa sulod sang ila balay upod ang duha niya ka bata nga babae nga naga-edad sang lima kag siam ka tuig sang hinali lang nga nabatian ang lupok sang pusil.
Tubtob nga nakabatyag na lang ang biktima sang paghadpi sa tuo niya nga abaga nga sang ulihi nadiskubrehan niya nga natirohan na sia.
Ginapatihan pa ni Sustento nga gingulo lang sang suspetsado ang kanyon sang pusil sa bintana sang balay sang biktima kag kaso nga frustrated murder ang atubangon sang suspetsado.
Nadakpan man dayon ang suspetsado pero wala man sang plano ang pamilya sang biktima nga kasohan ini matapos nga gin-areglo na lang nila ang natabo.
Ang ginatudlo naman nga motibo sa krimen amo ang pagbawi sang biktima sang motorsiklo nga ginpahulam niya sa suspetsado kon sa diin may nagluntad nga pagbaisay matapos nga gina-alegar indi pa kontani pag-i-uli sang naulihi ang motorsiklo./PB
[/av_textblock]
[/av_one_full]
