[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MANOGLASA BABOY GINTIRO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. garde
[/av_heading]
[av_textblock size=” font_color=’custom’ color=”]
Tuesday, April 4, 2017
[/av_textblock]
[av_textblock size=” font_color=” color=”]
Syudad sang BACOLOD – Napatay ang manoglasa kag manogbaligya sang baboy sa Syudad sang Sipalay, Negros Occidental sang gintiro samtang nagapangihi sa gwa sang ila balay sa Purok Humayan, Barangay Cartagena sang nasambit nga syudad.
Ginkilala ni Chief Inspector Romeo Vargas, hepe sang Sipalay City PNP, ang biktima nga si Elvin Tolentino alyas Bukay, 33, may asawa nga naga-obra sa luwas sang pungsod kag duha ka kabataan.
Siam ka mga pilas tuga sang pagtiro gamit ang .9mm nga pusil ang naagom sang biktima.
Sunu pa kay Vargas nga duha ka wala makilala nga suspek ang nagbantay kay Tolentino sang nag-gwa ini sa iya balay kag nangihi sadtong Abril 1 sang kaagahon.
Mahimu nga na-monitor na sang mga suspek ang ginahimu ni Tolentino kada aga sa diin nagakadto ini sa merkado, dugang sang hepe.
Gintuad pa ni Vargas nga ang biktima una nga nagsungka sa ila opisina sang ginpatigayon ang “Oplan Tokhang” sang Hulyo 2016, apang sunu pa sa iya nga wala ini na-angut sa ilegal nga droga.
Sa imbestigasyon pa sang hepe nga may kahilabtanan si Tolentino sa isa ka tawo nga iya sadto gintapungol kag natumba nga nagtupa ang ulo sa semento nga ginkabangdan sang kamatayon sini.
Samtang ginasulat naman ini nga balita,may ginatumod na nga suspek ang kapulisan./PB
[/av_textblock]
[/av_one_full]
