[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MASANAG NGA KAHUL-ANAN | PANUGDAON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni ROBERTO ‘BERT’ LADERA
[/av_heading]
[av_textblock size=” font_color=’custom’ color=”]
Monday, April 3, 2017
[/av_textblock]
[av_textblock size=” font_color=” color=”]
Natukiban sa ginhiwat nga una nga Committee Hearing sang Committee on Transportation and Public Utilities ni Councilor R Leone Gerochi nga may yara sang kapaltahan sa bahin sang Panay Electric Company Inc. (PECO).
Ginbungat mismo sang mga tiglawas sang PECO nga may sobra, kon kaisa, sa ila masukot sa konsumidor kaysa sa iya nakonsumo nga kuryente bangud sa sayop nga pagbasa sang Meter Reader sa mga metruhan sang kuryente sang mga konsumidor.
Nahatagan ini sang pagtamod bangud sa ginaproponer nga ordinansa ni Councilor Joshua Alim nga “Meter Reading Card System” nga nagatuyo sa pag-amlig sa mga konsumidor gikan sa patuyang, wala nagasinantu, kag sobra nga sukot sa balayran sa kuryente apisar nga gamay lang ang ginakonsumo. Matalupangdan man nga may tinion nga tuman ka gamay ang ginasukot kaysa sa kinaandan nga pagkunsumo sang kuryente.
Katuyuan sang ginduso nga ordinansa nga malikawan ang pagpalagpat nga meter reading sang mga tinugyanan sang PECO kag agud nga indi mabutang sa disbentaha ang mga konsumidor.
Dapat nga makumpirmar sang konsumidor gikan sa meter reader kon husto ang iya ginasulat base sa iya nakita sa metruhan kag lunsay nagakomporme ang magtimbang nga bahin sa datus nga ila ginabalhag.
Bangud sa pagduso sang sini nga ordinansa kag sa ginhiwat nga committee hearing, nakabungat mismo ang taga PECO nga sila man ang nakahibalo nga may sayop sa pagsukot sa mga konsumidor bangud sa kapaltahan sang mga meter reader nga ila gintugyanan sadto nga ginabayaran nila sa paghatag sang sini nga sahi sang serbisyo sa ila.
Lipod sa ihibalo sang tanan, madugay na gali nagakatabu ang ini nga padugi kag indi naton mabasol ang iban nga mga konsumidor nga magpahayag sang ila yamo kag reklamo angot sa ila tuman ka daku nga balayran sa kuryente.
Nagahatag sang kabalaka sa mga konsumidor kon ano nga sahi sang pagkonsumo ang ila nahimo ngaa tuman ka daku sang ila balayran kag kon indi nila mabayaran sila ang nagapeligro nga mautdan sang suplay sang kuryente.
Karon kay nag-aku na ang PECO sa nangin kapaltahan sang ila gintugyanan, ano ang ila himuon nga matadlong ang ini nga kapaltahan? Ano na kadugay nga nagakatabu ini? Pila na ka konsumidor ang nabiktima sang palagpat nga meter reader? Paano mabalik sa mga konsumidor ang ila sobra nga bayad sa kuryente? Pila na ayhan ang kabug-usan nga balor sang sobra nga bayad ang nagkadto sa PECO?
Pila lamang ini sa mga pamangkot nga nagakinahanglan sang sabat gikan sa PECO kag mahimo nga madamo pa sang pamangkot ang iban pa gid nga mga konsumidor.
Kabay nga ugyunan sang pumuluyo ang ginaduso nga ordinansa kag kabay nga masabat sang PECO ang ila salabton sa mga konsumidor.
Kinahanglan na ang tadlungon ang sala nga padugi kag untatan na ang palagpat nga pagsukot sa balayran sang mga konsumidor.
Kon padayon nga magapabungol kag magapabulag-bulag ang PECO sa sitwasyon, padayon naton maaguman ang masanag nga kahul-anan./PB
[/av_textblock]
[/av_one_full]
