MGA BUTANG NGA GINHUTIK NIYA SA AKON SA LIKUM

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’MGA BUTANG NGA GINHUTIK NIYA SA AKON SA LIKUM ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”][/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 1, 2018
[/av_textblock]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Padugang—

Ginahigugma ko ikaw. Matuod gid.

Apang indi kita mahimu mag-upud

Pagkatapos sini. (#1581)

*

Mahinalungun nga maluib—

“Huo, cazado ako; apang indi niya

Kinahanglan nga makabalu.” (#1582)

*

Pagkaaga sadto—

Paano mangin sayup ang kagab-i?

Ginkaun mo ako sing bilug. (#1583)

*

Nagalumawlumaw, nagsiling sia,

“Nahibaluan mo kon daw ano

Ko ikaw ka palangga.”

Indi. Wala. Wala ako makahibalu! (#1584)

*

Pagkatapus namon—

“Makahayanghang ato,” siling niya.

“Ikaw gid ang pinakamanamit!”

Nahibaluan ko. (#1585)

*

Paconsuelo de bobo—

Siling niya, “Bisan pa indi kita mag-upud,

Hangpa nga yara ka sa akon tagipusuon

Sa tanan nga tion.” (#1586)

*

Kasubong katapusan sang tig-ilinit—

“Ayhan malimtan ko ang imo hikap

Apang dumdumun ko sa gihapon

Ang damil sang imo dila.” (#1587)

*

Diutay nga kabungalngalan—

“Pinakamanamit ka gid, apang indi

Mahimu masulit ini,” siling niya.

“Ginahigugma ko ang akon novia.” (#1588)

*

Mga kabungalngalan—

“Ikaw ang pinakamanamit,” siling niya.

“Sarang naton sulitun ini, kon mangin

Mahinalungun ka.” (#1589)

*

Kalag sang mga sapat—

Siling niya, “Tarzo ka

Kasubong sang amu, apang

Tigre ka sa catre.” (#1590)

*

Kalag sang mga sapat—

Siling sang oso sa akon, “Wala ako

Magdumdum nga may tigre sa diutay

Mo nga lawas nga daw kuring.” (#1591)

*

Wala paras nga talawit—

“Ikaw ang pinakamanami nga

Natabu sa akon,” siling niya

“Apang sia ang pacazaran ko.” (#1592)

*

Bag-u sia gin-ordenahan, nagsiling sia,

“Kon indi ako magpacazar sa Dios,

Pacazaran ko ikaw

Bisan pa sa kasal-anan. (#1593)

*

Indi mapaiway nga kalautan—

“Ginapakamahal ko ikaw labaw sa tanan,

Siling niya, “apang sa gihapon

Kinahanglan bayaan ko ikaw.” (#1594)

*

Sa kadulum, nagsinggit sia,

“Dios ko! Dios ko! Kanamit sa imo.

Ikaw… si Superman.” (#1595)
[/av_textblock]

[/av_one_full]