[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mga pasahero na-stranded sa puerto ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Madamo nga mga pasahero ang na-stranded sa mga puerto diri partikular ang mga magapadulong sa Syudad sang Bacolod kahapon sang aga kasunod sang pagpapanaog sang Philippine Atmospheric Geophysical and Astronomical Services Administration (Pagasa) sang storm signal No. 1 sa Iloilo kag bug-os nga isla sang Panay lakip na ang Negros Occidental bangod sang bagyo “Marce” kahapon sang aga.
Nahibaluan nga ginpa-untat anay sang Philippine Coast Guard (PCG) – Iloilo kahapon sang aga ang biyahe sang tanan nga mga sakayan kaangay sang fast craft nga may biyahe Iloilo-Bacolod kag vice versa kag ro-ro.
Alas-sais sang aga kahapon, wala na ginpasugtan ni PCG Commander Ramil Palabrica nga magbiyahe ang mga fast crafts para malikawan ang ano man nga risgo kag indi mabutang sa delikado ang kabuhi sang mga pasahero.
Sunu pa kay Palabrica nga indi niya pagdulaon ang suspensyon sang biyahe samtang wala sang panugyan ang Pagasa kag kon indi madula ang storm warning signal sa Panay kag Negros.
Sa rekord sang PCG tubtob alas-12 sang udto kahapon, masobra na 600 ka mga pasahero ang na-stranded sa nagkalain-lain nga mga puerto sa sa Iloilo nga tuyo kontani magbiyahe padulong sa Syudad sang Bacolod, Cebu kag Palawan.
WALA KLASE SA SYUDAD SANG ILOILO
Sa pihak nga bahin, alas-otso sang aga kahapon, gindeklarar man ni Iloilo City Mayor Jed Patrick Mabilog nga wala sang klasi sa mga pangpubliko kag pribado nga elementary kag high school sa syudad bangod sang bagyo.
Nahibaluan nga ang mata sang bagyo “Marce” kahapon nagapadulong sa Surigao Del Norte. Gani lauman ang pagbubo sang ulan halin sa “moderate to heavy” rason nga ginapanugyanan ang naga-istar sa higad sang mga baybay kag suba nga mag-alerto. Labi nga gintumod sini amo ang mga naga-istar sa Visayas nga ginpanugyanan nga mag-alerto kontra sa baha kag landslide.
Ginapaabot naman nga magwa sa Philippine Area of Responsibility ang bagyo sa Lunes pa sang aga./PB
[/av_textblock]
[/av_one_full]
