[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NAGAPAGUSA ANG ICLAJODA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 22, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Nag-ingaw ang trumpa sang Iloilo City Loop Alliance of Jeepney Owners and Drivers Association (ICLAJODA) nga nagabantala sang ila tuyo nga pasakaan ang pletehan sang 12 pesos bilang minimum fare.
Ginhagad nila ang ila iban pa nga kaupdanan nga buylogan ang ila hinyo bangod kuno sa epekto sang Tax Reform for Acceleration and Inclusion ukon TRAIN law nga ginpatuman sang sini nga administrasyon.
Apang nabatian man naton ang pagpang-alang-alang sang PISTON-Panay sa sini nga 12 pesos nga hinyo bangid nga tuman kuno ka bug-at para sa mga pasahero kag dapat nga yara lang sa 9 pesos ang hinyuon.
Nagahana pa lang ang pagpatuman sang TRAIN law apang madasig na ang ICLAJODA sa pagsinggit sa kon pila ang ila pagasukton sa pletehan. Wala nila ginpaminsar ukon ginhuna-huna nga dapat tun-an anay kon nagakabagay ang ila ginaduso nga balor sang plete.
Nakita ko sa website sang Trading Economics nga ang presyo sang gasolina sa Pilipinas nagsaka sa 0.98 US dollars tagsa ka litro sa bulan sang Nobyembre gikan sa 0.95 US dollars tagsa ka litro sadtong Oktubre 2017. Kon ikambyo naton sa pesos, sa bayluhanay nga 50 pesos ang isa ka dolyar, yara lang sa 49 pesos ang balor sang tagsa ka litro sang gasolina.
Sunu sa sini nga website, ang average nga presyo sang gasolina sa Pilipinas yara sa 0.91 US dollars tagsa ka litro umpisa 1990 tubtob 2017.
Nalab-ot sini ang pinakataas nga presyo sadtong Marso 2013 nga yara sa 1.29 US dollars tagsa ka litro kag ang nabalhag nga pinakaubo nga presyo natabu sadtong Disyembre 1995 nga yara sa 0.34 US dollars tagsa ka litro.
Sandig naman sa website sang global petrol prices nga ang presyo sang gasolina sa Pilipinas umpisa Oktubre 9, 2017 tubtob Enero 15, 2018 yara lang sa average nga 48.10 pesos nga may minimum nga 46.30 pesos sadtong Oktubre 23, 2017 kag may maximum nga 49.35 pesos sadtong Disyembre 18, 2017.
Kon ipaanggid, ang average nga presyo sang gasolina sa bug-os nga kalibutan sa sini nga panahon ang yara lang sa 75.59 pesos.
Ang pinakamataas nga presyo sang gatong nga ginakahangaw-an sadto nagaangkas sa presyo nga 60 pesos natabu sadtong Hulyo 2008 kon sa diin may 20 ka beses nga natabu nga pagsaka sang gatong sa sini nga tuig.
Kon basehan naton ang mga datus, tuman ka layo ang ginaduso sang ICLAJODA nga balor sang plete. Kulang sa pagtuon ang ila grupo kag ila liderato. Wala sila nagapaminsar sa kon ano ang angay kag dapat. Mahilig sila magsakay sa mga nagakatabu, wala na sila natak-an sang maneho sang ila jeep apang luyag pa nila magsakay sa mga isyu nga indi sila kasarang magmaneho.
Wala kita nahikay ukon nagapangyaguta, luyag lang naton pamuklaton ang ila mata sa kamatuoran, luyag lang naton pukawon ang ila panimuot nga nawigit sa dalan agud nga makamarasmas nga ang ila ginangasal wala sang punto.
Mas mapatihan kag mas makakumbinser kamo sa tawo kon may yara sang salandigan ang inyo mga argumento.
Dapat likawan nga mabansagan nga nagapagusa ang ICLAJODA. (Sources:
https://tradingeconomics.com/country-list/gasoline-prices / http://www.globalpetrolprices.com/Philippines/gasoline_prices/)/PB
[/av_textblock]
[/av_one_full]
