[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Nagpatay sa maestro arestado’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M Garde
[/av_heading]
[av_textblock size=” font_color=’custom’ color=”]
Wednesday, March 15, 2017
[/av_textblock]
[av_textblock size=” font_color=” color=”]
Syudad sang BACOLOD – Dakop ang nagpatay sa maestro sang Alternative Learning System (ALS) sa Cabacungan Elementary School kahapon sang aga sa Sitio Cabadiangan, Barangay Camandag, La Castellana, Negros Occidental.
Ang suspek nga si Pedro Pacia, 24, soltero kag residente sang nasamabit man nga barangay ang nadakpan sang mga tinawo ni Chief Inspector Alan Gary Resuma, OIC sang La Castellana PNP, sa ginahukmongan sini.
Si Pacia amo ang gintudlo nga nagbunu sa kasimaryo niya nga maestro nga si Hernani “Nonie” Octavio, 31, may asawa.
Natabo ang krimen sang tinalikdan nga Biyernes. May ginahiwat nga reunion sa Cabacungan Elementary School kag mga alas-11:20 sa gab-i sang nagmaoy ang utod ni Pacia nga si alyas Enting. Ginpalapitan ini ni Octavio agud sawayon kag dayon man ini nga naglakat.
Pero sa pamatyag sang suspek gin-akigan ang iya utod, amo yadto kag iya gindalasa kag ginbunu ang maestro sa tiyan.
Ginhingagaw pa ang biktima nga dal-on sa Corazon Locsin Montelibano Memorial Regional Hospital sa Syudad sang Bacolod apag napatay ini antes mag-abot sa ospital mga alas- tres na sang kaagahon sang Sabado.
Sandig pa sa report nga si Pacia naga-obra man sa uma sang pamilya Octavio bilang manog-arado kag nabun-an man sini ang anak sang iya gina-obrhan bangod sa hinubog./PB
[/av_textblock]
[/av_one_full]
