[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NAHIDLAW SI DAGOY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 31, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Maduagon ang ginpatigayon nga selebrasyon para s ika-50 ka tuig sang Dinagyang Festival sa Syudad sang Iloilo. Napun-an sang nanuhay-tuhay nga manaya-naya nga lalantawon nga nakahatag gid sang kakunyag sa mga tumalan-aw sa mga tumandok kag sa mga dumuluong.
Madamo sang naglaum sang maayo nga pagpasundayag bangod sa bulawanon sini nga anibersaryo kag tuman ka taas sang pagpanghangkat sa mga pumalasakop nga magpakita sang ila pinasahi nga abilidad kag kinaiya agud mas malabawan ang mga nauna nga paghiwat sang Dinagyang.
Kadungan sang pagdugok sang kapin sa isa ka milyon ka pumuluyo sa mayor nga dalanon sang syudad, nag-ulhot man ang mga nawong sang mga pulitiko nga luyag magpakigbahin sa selebrasyon. Napun-an sang mga bisita ang Iloilo Freedom Grandstand lakip na ang pagsaboy sang mga pulitiko nga sa masami nagatambong kag sa mga pulitiko nga sa karon lang nagpakita.
Matalupangdan man ang mga pulitiko nga kinaandan ang presensya sa entablado nga karon bisan ila landong ang indi makita.
Ginpahayag ni Mayor Jose Espinosa III nga natural lamang nga madamo sang pulitiko bangod luyag man nila nga magtambong, bangod nga nagahilapit ang eleksyon kag bangod nga luyag man nila nga makita sila sang mga pumuluyo.
Matuod gid man nga ang Dinagyang Festival isa ka kahigayonan agud nga makaduso sang kaugalingon nga interes ang mga pulitiko sa ngalan sang pagpanghimanwa.
Apang kontani sa masunod nga Dinagyang ipabilin nga wala sang pulitiko nga makahambal sa mikropono bangod nga ang tawo nagkadto indi agud nga magpamati sa ila diskurso kundi maglantaw sa pagpasundayag sang mga tribu.
Maathag nga ang Dinagyang isa ka selebrasyon sang kultura kag relihiyoso nga kabuhi kag indi higayon agud nga mag-adbokasiya ukon magpasiplat sa kampanya para sa nagahilapit nga eleksyon.
Kontani mangin salandigan ini sang mas dungganon kag wala sang malisya nga pag-imbitar sa mga bisita ang pagselebrar sang Dinagyang Festival.
Nagdominar ang dilag nga duag bilang pasimbolo sang bulawanon nga anibersaryo sang Dinagyang Festival.
Talalupangdon man nga ang mga ginakabig prominente, tumandok kag salandigan nga mga lideres ang wala nagtambong sa pinasahi nga higayon. Indi na mapabalik ang naglipas nga panahon kag nangin kabahin na sang maragtas ang 50th anniversary sang Dinagyang Festival.
Nahidlaw man ang tanan sa presensya ni Senador Franklin Drilon kag Congressman Jerry Treñas nga wala gid nakapalab-ot sang ila mensahe kon ngaa wala sila nakatambong sa Dinagyang.
Kon indi sila maghatag sang pahayag sang ila kabangdanan, mahimu nga magatuhaw ang madamo nga espekulasyon kon ngaa wala nakita ang ila mga landong.
Posible nga may ginakasakuan, posible may ginakahangaw-an, posible may ginakahuy-an, posible may ginalikawan kag madamo pa nga posibilidad ang mahimu naton madumduman bangod wala kita sang tul-id nga sabat sa ila nangin kabangdanan.
Nagsaot si Dagoy nga maluya, wala masyado mahatagan sang pasidungog, ginlawag nga pakulahaw kag sang ulihi hinali nga naalimunaw.
Sa nasiling na, ang poder wala nagatenir, kaangay sang panganod ini ang ginapalid sang hangin.
Sa mga wala nakita kag sa wala nakatambong, si Dagoy sa inyo nagapangita, sa inyo nahidlaw si Dagoy./PB
[/av_textblock]
[/av_one_full]
