[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Nobya, ginpahog sang nobyo ipalapta ang ila sex videos’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Monday, May 15, 2017
[/av_textblock]
[av_textblock size=” font_color=” color=”]
Syudad sang ILOILO – Na-aresto na sang mga pulis ang 30-anyos nga lalaki nga ginreklamo sang iya nobya nga nagpahog diri gamit ang ila sex videos.
Ginpahayag ni Chief Inspector Charlie Sustento, hepe sang Ajuy PNP, nga ginpahog sang suspek nga si George Nipangue sang Barangay Culasi, Ajuy, Iloilo ang iya nobya nga ipalapta sini ang ila sex videos sa social media kon indi sia sini paghatagan sang kwarta.
Bangod sini, nagdangop ang 26-anyos nga nobya nga taga-Brgy. Malayuan, Ajuy sa Ajuy PNP kag ginplano ang entrapment operation.
Takna alas-3:17 sang hapon naman sang Martes sang natikma si Nipangue matapos ini nga nagbaton sang P10,000 gikan sa iya nobya sa isa ka restaurant sa Brgy. Poblacion, Ajuy.
Nakumpiskar man sang kapulisan sa suspek ang cellphone sini nga naga-unod sang mga pamahog nga text messages sa iya nobya kag ang memory card sa diin naka-save ang ila sex videos.
Ginapahayag pa nga gusto na makigbulag sang babae kay Nipangue sang natukiban sini nga kasado ini kag may kabataan, rason nga naakig ang suspek. Gindugang pa sini nga ginasakit sia sang suspek kon mag-away sila.
Masobra na isa ka tuig ang ila relasyon sang nahibaluan sang babae ang kamatuoran.
Nahibaluan pa nga indi ini ang una nga bes nga nangayo sang kwarta ang suspek sa biktima. Nauna diri, napuersa na ang biktima nga maghatag sang P15,000 kay Nipangue.
Priso na subong anga suspek sa Ajuy police station kag pagakasohan sang paglapas sa Republic Act 9995 ukon Anti-Photo and Video Voyeurism Act of 2009. (Balita halin sa Panay News)/PB
[/av_textblock]
[/av_one_full]
