NOVIE ONDICE Ika-2 nga gua

[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]

[/av_textblock]

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’NOVIE ONDICE Ika-2 nga gua’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”][/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Madamu ang nakig-usyuso sa adlaw sang bunyag. Mga tsismosa kag tsismoso. Duha lang ang maninoy sang bata: si Señor Villareal, ang organista sa simbahan kag maestro sa eskwelahan; kag si Don Orestes Loredo, ang agalon nga wala nakapamalibad kay Vicente.

Indi nangin mahapus ang bunyag.Sarikwaol.Tensyunado. Ilabi na tungod kasan-o lang nag-gua sa Legion of Mary si Norma. Pila ka beses nga nagsala sa iya seremonyas si Padre Francisco. Nangin-padlos si Novie sa pagkugos sang iya iloy. Ginpasa sia kay Tatay Vicente.

Indi magtulo ang krisma.

Nagsinutil ang lapsag.Nagtiyabaw nga daw idik nga gina-ihaw.Labi pa gid nga nataranta ang pari.Gintulok niya si Norma. Sang nagsanto ang ila mga panan-awan, nalipong ang iloy.

Nagsiyagit ang bata.Tuman ka tunog. Nagkalamatay ang tanan nga kandila sa sulod sang simbahan. Daw ginhuypan sa birthday cake.

Nagpiyesta ang mga usyusera.Nagkutib-kutib ang mga bibig.Nagkala-kala ang mga baba.

Sumugod sadto, mas manubo pa sa aruon ang pagkabig nila kay Novie. Ang aruon, bisan ginakarigna-an, ginakaluoyan man. Apang si Novie, ginakangil-aran na, ginatamay kag ginasakit pa.

“Anak-ni-Satanas” ang tawag sa iya. Sia ang ginpasibangdan kon ngaa nangin-apa si Norma. Ginpalapta sang baba-an nga paltera—bag-o sia namatay—ang nagkahalanabo sang pagbun-ag kay Novie. Ginbasol niya ang lapsag sa tanan nga kalalat-an. Lakip na ang pag-igo sang kilat sa puno sang tsiko. Lakip na kon ngaa daw zombie na lang si Norma. Sumugod sang nalipong si Norma sa bunyag ni Novie, wala na ginbalikan sang animo ang iloy.

*

Si Tatay Vicente gid lang ang nagpakita sang kaayo kay Novie. Sia lang ang naghatag sang paghangup. Sia lang ang lubos nga nagbaton kag nagkilala kay Novie.

Bag-o pa man nabun-ag ang bata, ginluwas na ni Vicente si Novie sa kapintas sang iya kaugalingon nga iloy. Sa kaakig sini. Sa kangil-ad. Sa buko nga pagtimalos.

Kasubong ni San Jose sa Balaan nga Bibliya, gintinguhaan gid ni Vicente nga luwason ang iya asawa sa malain kag makatol nga mga dila. Wala sia nag-eskandalo bisan sia ang ginpendeho. Nahibaluan niya nga indi sia ang amay ni Novie. Apang ginpunggan niya si Norma sa buko nga ipahulog ang lapsag sa taguangkan. Wala niya ginbayaan ang asawa.Wala ginpabay-an.

“Anak ini sang Yawa,” siling pa sadto ni Norma. “Dapat madula ang malain ng binhi nga ini.”

Ginbulag sang kaakig si Norma. Sa iya kabuangan, ginpaathagan sia ni Vicente nga wala sang kahilabtanan ang bata sa paglugos sa iya. “Ako man, nagabatyag sang kasakit, Norming. Apang ano ang aton sarang mahimu sa pamatbat sang langit?”

“Ngaa wala mo ako ginpakigbato?Ngaa ginaantus mo nga mangin-pendeho?Apa ka bala? Apa nga pendeho?”

Ang sugilanon nga “Novie Ondice” ni Peter Solis Nery ginsulat antes pa ang 2004. Nakaangkun man ini sang iban nga tig-ulo kasubong abi “Matalinga.” Para sa iban pa nga sinulatan ni G. Nery, visitahi ang iya website: www.petersolisnery.com. Madamu gid nga salamat.
[/av_textblock]

[/av_one_full]