[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’P1.3-M SHABU NAREKOBER SA BRGY. BAKHAW’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagabili sang P1.3 milyon ang kabug-osan nga ginasuspetsahan shabu nga narekober sa tatlo ka mga balay sang ginapasuni mga drug personalities nga naga-operate sa Barangay Bakhaw, Mandurriao diri humalin alas-sais sang aga tubtob mag-udto kahapon.
Bitbit ang search warrant nga gin-aplay sang Philippine Drug Enforcement Agency (PDEA) 6 sa Office of the Second Vice Executive Judge kontra kanday Richard Prevendido, Boni Gregori, kag Ednie Jimena, tanan residente sang Brgy. Bakhaw, nagpadulong sila upod ang puersa sang Special Action Force kag Philippine National Police sa balay sang tatlo.
Ginpalibotan una sang mga otoridad ang compound sang tatlo ka mga balay para indi mahatagan sang tsansa nga makapalagyo ang mga tawo diri.
Una nga ginsulod sang mga otoridad ang balay ni Jimena, hinablos ni kapitan Remia Gregori sang Brgy. Bakhaw, paagi sa search warrant nga gin-isyu ni Hon. Judge Guillen Delfin-Lim alas-siete sang aga.
Narekober sa puti nga mala-mansyon ang inisyal nga pito ka bulto sang ginapatihan shabu kag drug paraphernalia pero wala didto si Jimena.
Sunod nga ginsaka ang duha ka panalgan nga balay ni Boni Gregori, bata ni kapitan Gregori, paagi sa search warrant nga gin-isyu ni Hon. Judge Loida Diestro-Maputol alas-otso sang aga.
Narekober diri ang inisyal nga 19 ka gagmay nga plastic sachets kag isa ka bulto sang ginapatihan shabu.
Ang ulihi nga ginsalakay amo ang tatlo ka panalgan nga balay sang ginakabig No. 1 nga drug personality sa syudad nga si Richard Prevendido, utod sang kapitan, paagi sa search warrant nga gin-isyu ni Hon. Judge Gloria Madero pero wala man ini.
Sa pagsekyar sang mga otoridad sa balay upod ang K9 dog, narekober ang apat ka mga bulto sang ginapatihan shabu, 17 ka gagmay nga plastic sachets sang ginapatihan shabu kag repacking paraphernalia.
Nakit-an man sang otoridad nga ginalawa-an na ang balay ni Prevendido kag wala napanghimos apang may isa ka kwarto nga posible ginagamit bangod nga bag-o pa ang mga habon kag may nagakabit pa nga panapton nga pang-babae.
Sunu naman kay PDEA-6 director Gil Pabilona nga nagpadulong man mismo sa lugar nga positibo ang ila operasyon bisan nga wala madakpan ang tatlo ka mga subjects.
Nagapati si Pabilona nga nakatunog ang tatlo sa pagsulod nila sa Brgy. Bakhaw rason nga nakapalagyo ang mga ini.
“Although yong mga personality hindi nakuha but eventually kukunin naming yan. Baka natunugan yong operations namin. First time naming kasi na ginawa nang sabay-sabay,” siling ni Pabilona sa interbyu sang mga katapo sang media.
Gin-aku man niya nga sila mismo sa PDEA-6 ang nag-aplay sang search warrant para ma-aresto ang tatlo.
“Nag-aplay kami ng warrant pero yong implementation gusto naming sabayin na para one time kasi mahirap kumuha ng tropa ngayon eh,” dugang ni Pabilona.
Nag-gwa naman sa intelligence report sang PDEA-6 nga yara pa sa lugar ang tatlo ka subjects antes sila nagsalakay.
“Sa latest na intel namin nandito sila kaya lang baka nakalabas bago kami dumating,” dugang sang director.
Samtang, daku nga pamangkutanon kahapon kon sa diin ang presensya ni kapitan Gregori bangod mga kagawad lang sang Brgy. Bakhaw ang nagserbe nga testigo tion sang operasyon sang mga otoridad.
Angut sini, ginhambal ni Pabilona nga pasakaan nila sang kaso nga paglapas sa Republic Act 9165 ukon Comprehensive Dangerous Drugs Act ang tatlo ka ginapahayag mga durogista.
Antes naman ang pagsalakay sang mga otoridad sa tatlo ka mga balay, nagkasar anay sang buy-bust operation ang Regional Anti-Illegal Drugs Special Operations Task Group kag PDEA-6 takna alas-sais sa aga kahapon kontra kanday Ariel Prevendido kag Troy John Prevendido nga lunsay nakapalagyo.
Ang nadakpan lang amo sanday Rodolfo Pasan Jr. y Alparas; Joe Vincent Suelon y Cabellura; kag Ma. Beauty Dela Cruz y Guirjen.
Narekober sa ila paghinakop ang tatlo ka gagmay nga sachets kag duha ka dalagku nga sachets sang ginapatihan shabu kag drug paraphernalia./PB
[/av_textblock]
[/av_one_full]
