[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Paalam, Freedom Grandstand’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 8, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
PAALAM, Freedom Grandstand!
Hingalitan naton nga magpakuha sang laragway samtang nagatindog pa ang Iloilo Freedom Grandstand sa dalan JM Basa. Dali na samtang wala pa ini na-demolish.
Ginkumpermar ni City Planning and Development Office assistant head Architect Dolly Anne Zoluaga nga sa labing madali iga-demolish na ang daan nga Iloilo Freedom Grandstand (IFG) agud hatagan sang alagyan ang pagbalik sang Sunburst Park sa iya dumaan nga lugar. Nangin dako nga bahin sang maragtas sang dakbanwa sang Iloilo ang IFG kun politika kag kultura ang hambalan.
Suno sa mga historians ang Freedom Grandstand nag-umpisa lamang sa mga boxex nga ginatindugan sang mga nagapamulong-pulong matapos ang gyera. Samtang nagadamo ang nagapamulong-pulong amat-amat man nga nagatindog ang dugang pa nga mga boxes asta nga gintukod ang istruktora nga may mga lintang. Makapila na man ka beses nga na-renovate ang IFG tubtob nga ini na ang hitsura sini subong.
Sa handum nga mapatahum ang lugar kag liwat mabuhi ang negosyo, ginlunsyar sa panahon ni anay mayor Jed Patrick Mabilog ang ginatawag nga urban renewal program. Ini nga programa suno kay Architect Zoluaga nagatuyo nga mabuhi ang daan nga Calle Real kag mabalik ang kapagsik sang negosyo. Nakita nila abi nga nagsaylo na sa Mandurriao kag Jaro ang mga negosyo dala sang mga dalagko nga developments sa sini nga mga distrito.
Kun ikaw ulihing tubo, base wala mo pa lubos nga nahangpan ang papel sang IFG sa atun syudad. Posible nga balewala lang ini sa imo bangud modern na ang imo namat-an nga kabuhi. Apang sa mga katigulangan, dako ang bahin sini sa ila kahapon.
Kahapon ang pamunuan lokal sang syudad sang Iloilo nag-conduct sang ila flag ceremony sa IFG. Naghingalit man sila sang ti-on agud makapakuha sang laragway sa istraktura. Pagkilala man ini sang papel sang IFG sa maduagon nga post-war history sang syudad.
Ayhan, tion na nga ikaw magpaalam man sa IFG antes ini mapukan. Antes ini madula sa iya orihinal nga dagway, magpaalam ka na paagi sa pagkuha sang litrato kaangay sang selfie ukon groupie.
Paalam IFG. Welcome bag-o nga IFG sa Muelle Loney!/PN
[/av_textblock]
[/av_one_full]
