[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Pag-gamit backhoe sa quarry, dumilian ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Mapagwa sang executive order (EO) ang gobernador sang probinsya sang Iloilo para idumili ang pag-gamit sang backhoe sang mga quarry operators sa pag-quarry para malikawan nga maguba ang suba.
“Gina-preparar ko subong ang executive order nga indi ako magtugot nga mag-usar sang backhoe for quarrying sa suba. Quarrying sa bukid, puede na ya. Pero I will prohibit the use of backhoe sa quarrying sa suba,” sunu kay Gob. Arthur Defensor Sr.
Luwas sa EO, gusto man sang gobernador nga himuon nga pinal ang rekomendasyon sang Department of Environment and Natural Resources nga imbes isa ka kilometro ang distansya sa pag-quarry sa mga suba nga may istraktura kaangay sang taytay, palabaon pa gid ini para indi maapektohan ang proyekto.
“I want DENR to finalized its recommendation nga instead of 1 kilometer, palaba-labaon pa nila before and after sang quarrying,” dugang sang gobernador.
Ginhinyo man sini ang Sangguniang Panlalawigan nga padasigon ang pag-aprubar sang anti-overloading ordinance para madakpan ang mga trak nga nagakarga sang gin-quarry nga mga balas kag bato rason sang pagkaguba sang mga provincial roads.
Samtang mapagwa man sang moratorium ang gobernador para sa bag-o nga mga aplikante sa pag-negosyo sang quarry.
“We will issue an executive order declaring a moratorium to the new applicants,” pahayag sini.
Natalana man niya nga rebyuhon ang pagsulondan sa pag-renew sang permit sang mga quarry operators para mabal-an kon ano ang dapat nga himuon para mapunggan ang pagkaguba sang suba bangod sang quarry./PB
[/av_textblock]
[/av_one_full]
