[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
PAPASON ANG MALNUTRISYON
Nangin aktibo kag wala sang untat ang kampanya sang gobyerno, ilabi na sang National Nutrition Council (NNC), batok sa malnutrisyon nga nagaapekto sa pagdaku kag pangabuhi sang mga kabataan kag sang tanan nga pumuluyo.
Apisar nga may pagnubo sa 4.68 percent sa sini nga tuig gikan sa 5 percent sang 2016 ang malnutirion prevalence sa mga kabataan nga naga-edad sang 0-71 months old, apang madamo sang kabataan sa iban nga rehiyon ang padayun nga nagaagunto sa sini nga kondisyon ilabi na sa mga probinsya sang Antique kag Negros Occidental.
Ginalauman nga ang mga inisyatibo sang gobyerno kaangay sang supplementary feeding program ang makabulig agud nga mabuhinan ang mga malnourished kag underweight nga mga kabataan.
Nagahugod ang NNC sa pagpatigayon sang mga programa nga makapaalinton sa mga pumuluyo kon ano ang angay nga himuon kag kon ano ang dapat nga kaunon agud nga mabuligan ang bug-os nga pamilya nga indi magbatyag sang malnutrisyon.
Nagatudlo ang NNC sa mga pamaagi kon ano ang mga pagkaon nga dapat kaunon nga mapuslanon sa lawas kag makabulig nga makapabakud sang panglawason, mapalayo sa balatian, kag mangin mapagros sa tanan nga tion.
Makabig nga may kapaslawan sa pag-agom sang target sa sini nga tuig – nga yara lang sa .32 percent nga pagnubo – apang may namutikan na nga pag-imprubar kag may bahin nga nangin epektibo ang mga ginahiwat nga adbokasiya.
Padayun nga nagapakig-away ang NNC sa pagtudlo sa pumuluyo kon ano ang dapat kaunon apisar nga ang pasayod sang mga fast food chain ang masunson man nga mabatian kag makita sa palibot.
Kon aton lantawon sa masangkad nga paghangop, wala sang may mahimo ang NNC agud mangin madinalag-on sa ila adbokasiya kon wala sang mga ginikanan nga magabuylog sa ila.
Panugyan lang ang mahimu sang NNC, ang pag-akto yara sa ginikan. Ang paglantaw sa madangatan sang iya pamilya nasandig sa amay kag iloy, gani dapat mangin maalam sila sa paghimo sang angay nga desisyon kag polisa sa sulod sang ila panimalay.
Wala nagakahulugan nga dalukan ang kabataan sang mga pagkaon nga makita sa telebisyon, apang dapat nga balansehon. Tudloan ang kabataan sa pagkaon sang mga pagkaon nga may husto nutrisyon, ipahangop kon ngaa dapat sia sina magkaon, kag ano ang mangin epekto sa iya lawas kon indi siya magkaon sang utan, prutas, isda kag iban pa.
Nasandig sa ginikanan ang mangin palaabuton sang ikaayong-lawas sang iya kugalingon kag mga kabataan.
Dapat mangin mapisan ang ginikanan sa pagpreparar sang mga pagkaon para sa ila mga anak kag dapat sila ang una nga magabantay sa kon ano ang ginakaon sang ila kabataan.
Indi naton mahimu nga isalig ang tanan sa gobyerno bangod ang kada isa may gahum nga mahimu ang bagay nga maaayo para sa iya pamilya.
Kon matutom lamang ang tagsa ka ginikanan nga magsunod sa 10 KUMAINMENTS, makalikaw na sa balatian, mangin mapagros pa ang mga kabataan.
Dapat nga balikdon sang ginikanan ang mangin bwas-damlag sang ila mga kabataan.
Dapat gid nga papason ang malnutrisyon./PB
[/av_textblock]
[/av_one_full]
