[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
DENGVAXIA
Indi maglumpat sa bubon kon indi matungkad ang kadalumon.
Panugyan ini sang mga mangin-alamon sadtong una nga panahon kag mahimu nga mapamatian sang sini nga henerasyon agud nga indi mabutang sa malain nga sitwasyon.
Ginlunsar ang community kag school-based mass vaccination sadtong Abril 2016 antes ang paghiwat sang national election.
Igahatag sa tatlo ka doses ang Dengvaxia nga may anum ka bulan nga agwat kag ginlauman nga makabulig nga mabuhinan ang pagkapatay sang tawo tuga sang dengue nga dala sang lamok.
Apang sang sini lang, ginbuyagyag sang Sanofi ang resulta sang ila kaugalingon nga analysis nga ang mga yadtong wala pa nalatnan sang dengue virus, madamo sang mga kaso sang severe disease ang magatuhaw kasunod sang pagbakuna.
Sunu sa Sanofi nga ang dengue vaccine makabulig sa mga tawo nga sadto naigu na sang virus.
Bangod sini, ginsuspendir sang Department of Health sang Biyernes ang vaccination program matapos ginbuyagyag sang French pharmaceutical giant nga Sanofi Pasteur nga ang dengue vaccine makapalala sa balatian ilabi na sa mga yadtong wala pa maigu sang virus.
Angut sini, nagpahayag ang Department of Education nga ila bantayan ang kondisyon sang nabakunahan nga mga estudyante.
Madasig naman nga nagpaathag ang Department of Health nga wala sang “severe dengue infection” nga nareport sa kapin 733,713 ka mga estudyante nga nabakunahan umpisa sadtong 2016.
Sunu sa rekord sang DOH, may kapin sa 789,010 ka unit sang Dengvaxia ang wala pa nagamit kag nagahana nga maga-expire sa bulan sang Mayo sa masunod nga tuig.
Madasig naman nga nagpanawagan ang mga senador nga dapat imbestigaran ang ini nga bagay kag pasabton ang dapat manabat sa kon ano man nga posible kahalitan nga matuga sini sa madamo nga mga kabataan.
Bisan pa nga naghatag na sang “go signal” ang World Health Organization (WHO) para sa sini nga bakuna apang ang pungsod India ang nagaduda kag sunu kay Dr. Soumya Swaminathan, ang director general sang Indian Council of Medical Research, nga mangin isa ka pre-mature ang desisyon kon gilayon nga ipagamit ang bakuna sa India.
Nagapang-alang-alang ang India sa kon ano ka epektibo ang bakuna bisan pa nga aprubado na sang WHO, indi sila kumbinsido tuhoy sa mga datus rason nga liwat sila nga magahiwat sang base-line sero-survey agud makatipon sang datus.
Nagahulat ang India sang post-marketing surveillance data gikan sa iban nga pungsod sa karon.
Nahibaluan nga ang bakuna ang ginpasugtan sang mga pungsod Mexico, El Salvador, Pilipinas kag Brazil na gamiton kag indi kaangay sang India nga wala nagpasugot.
Nagakinahanglan sang hugot nga pagtuon ang paghatag sang bakuna sa isa ka tawo ukon sa bata bangod maapektohan sini ang iya nga pangkabug-osan nga ikaayong-lawas.
Indi kita mga sapat nga hampangan sang mga higante nga kompaniya sang bulong. Malahalon ang aton kabuhi kag ang mga mapagsik nga kabataan ang mangin salandigan sang aton palaabuton.
Kabay kontani nga wala sang bata nga madisgrasya sa Dengvaxia./PB
[/av_textblock]
[/av_one_full]
