[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
KONTROLON ANG PAG-INOM
Kon indi paglukpan, indi maghulag.
Ini ang masami nga ginabungat sang mga katigulangan sa mga ulihing-tubo kon nangin laminday ukon ulihi na ang paghimu sang akto bilang reaksyon sa nagakatabu.
Bangod sa pagkaluthang kag napatay nga isa ka gradwado sang kurso nga Medical Technology, liwat nga napukaw ang interes sang gobyerno sang syudad nga hatagan sang atensyon ang nagakatabu sa Smallville area.
Katuyoan kag handum sang gobyerno-lokal nga matapna na nga masulit ang insidente sang pagkauyang sang kabuhi sang mga inosente nga persona kag agud nga mabutangan sang kontrol ang pag-inom-inom sa Smallville area kag lakip na nga masolusyonan ang problema sang mga lanubo nga masami nagapabilin sa mga dalanon apisar nga kaagahon na.
Bangod sa handum nga matapna ang indi manami nga mga insidente nga ginatuga sang makahulubog nga ilimnon, nagtuhaw ang tuyo nga pasiradohan ang ang Smallville takna alas-dos sang kaagahon, nga sang ulihi gintuyo na lang nga pasiradohan ang mga nagabaligya sang makahulubog nga ilimnon.
Nagtuhaw man ang ideya ni Councilor Joshua Alim nga dapat ang last order sang ilimnon yara lang sa oras nga alas-12 kag dapat wala na sang may nagabaligya kag nagabakal paglapaw sa sina nga takna kag dapat wala na sang may naga-inom kag nakapauli na sa takna nga ala-una sang kaagahon.
Ginaduso man nga dapat indi lang sa Smallville area kundi dapat nalakip ang bug-os nga Ssyudad sang Iloilo.
Madamo sang mga ideya nga nagtuhaw. May sinapol nga natabu. May mga plano kag ideya nga ginduso. Nagakumporme ang tanan kag wala pa sang may makusog nga nagasupak sa plano.
Mabudlay magkagat nga dupol ang ngipon ukon ungab bangod nga wala sang may nagadulot sa ginagus-ab.
Kaangay ini sa ginadali nga plano ni Mayor Jose Espinosa III. Ginapatun-an niya sang lubos sa City Legal Office kon ano ang angay nga buhaton bangod mabudlay mag-akto nga wala sang legal nga basehan sa pagpagwa sang executive order agud nga pasiradohan ang mga establisemento komersyal sa palibot sang smallville area.
Pila na ka insidente ang natabu sadto. Madamo na nga tion ang nauyang sa pila ka sinapol. Ang mga negosyante nga natungdan sa sina nga lugar nagapabungol-bungol. Nagakinot nga wala sa lugar, nagapabaya sa ila nahisugtan tubtob nga liwat ginsunlog sang kapalaran.
Kon nagatuman lang sila sa ginapasunod sa ila kaangay sang pagbutang sang husto nga kadamuon sang gwardiya. Pagpahamtang sang maathag kag indi buron nga CCTV camera kag ang maid-id nga pagtsekyar sang mga gwardiya sa mga nagasulod sa establisemento.
May limitasyon ang presensya sang kapulisan sa Smallville area, wala sila sang poder nga magrikisa sa mga nagasulod sa establisemento magluwas sa mga naka-duty nga mga gwardiya kag landong lang nila ang ginabantayan sang mga may tuyo nga maghimu sang kalakasan.
Dapat may disiplina ang naga-inom kag dapat nagasunod sa tanan nga patakaran ang nagabaligya sang ilimnon.
Ang ilimnon manugyaguta kag ginapakahuy-an sini ang naga-inom.
Sa bisan ano man man malain ang tanan nga sobra gani dapat nga kontrolon ang pag-inom./PB
[/av_textblock]
[/av_one_full]
