[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
TATLO KA HARI
Nagpuas na ang asu, naglinong na ang palibot, ang hulugasan nagtumpok, ang hilimuson nagdum-ok, ang ang manughimos ginakapoy bisan sa iya pa lang pagtulok.
Handurawon na lang ang nabilin sa kon paano ginsug-alaw ang bag-ong tuig, paagi sa sinadya, sa sinaot, kag sa paghiwat sang party kaupod ang magahod nga mga sound system kag sa kasutil sang mga hubog nga yara sa palibot.
Ang mga hitabu ang indi na makita kundi madumduman na lamang, mangin buhi nga saksi diri ang mga regalo nga nabaton gikan sa ginhiwat nga exchange gift, ilabi na kon ini isa ka butang nga magamit sa matag-adlaw nga pagsinarayo ukon mahimu ipagkit sa dingding, ukon mangin kabahin sang dekorasyon sa sulod sang balay.
Bangod nga naglipas na ang higayon nga aton ginsug-alaw ang tuig 2018 paagi sa sinadya, paagi sa dagaya nga pagkaon, paagi sa pagpaambit sang mga grasya, kita ang nagapasulod na sa tion nga aton naman dumdumon ang ginatawag nga “Three Kings” ukon ang pagbisita sang tatlo ka hari ukon tatlo ka mago nga sanday Melchor, Gaspar kag Baltazar sa pasungan kon sa diin natawo ang Manunubos.
Apisar nga ginatawag sila nga mga hari apang wala sila sang kaharian ukon nasakupan santu man sa ebanghelyo ni Mateo kundi bangod sa nasaad sa daan nga testamento nga may propesiya nga magaluhod ang mga hari kag tanan nga pungsod magaserbe sa Manunubos.
Wala naman ginhingadlan sa bag-o nga testamento ang mga mago apang sunu sa tradisyon kag mga sugilanon, sila ang gintumod sa magkatuhay nga mga ngalan kag sa Western Christian Church sila ang gintawag nga mga santos kag mas kilala bilang kanday Melchor nga isa ka Persian scholar; Gaspar nga isa ka Indian scholar kag Baltazar nga isa ka Babylonian scholar.
Sunu sa tradisyon sang Western Church, si Baltazar ang nagarepresentar man bilang hari sang Arabia, si Melchor bilang hari sang Persia kag si Gaspar bilang hari sang India.
Gin-usoy sang tatlo ka mago ang duog kon sa diin makita ang nagabanaag nga bitoon kag didto ila nakita ang puluy-an kon sa diin nagdulog ang bitoon. Nagsulod sila sa puluy-an kag ila nakita si Maria kag ang lapsag kag sila ang naghulod sa iya.
Ginbuksan nila ang ila dala nga regalo nga amo ang bulawan, ang insenso kag ang mira. Pagkatapos nga sila ang magdamgo nga dapat indi sila magbalik kay Herod, sila ang nag-usoy sa tuhay nga banas.
Sa subong nga panahon, kaangay man sini ang masami naton nga makita nga sitwasyon. Dapat nga mas hatagan naton sang balor ang aton ginahatagan sang regalo kaysa sa balor sang aton regalo. Sila ang mas importante bangod nga ang tanan nga materyal nga bagay nagalipas, nagakadula, nagakawad-an sang importansya sa ulihi.
Ipasulabi naton ang aton pagtamdanay, aton pag-amlig, ang aton pag-ulikid sa aton isig-kapareho bangud nga mas labaw sila kaysa sa aton mga regalo.
Ginapakita sang tatlo ka hari nga dapat magpaubos, dapat mangin tawhanon kag indi mangin bugalon.
Ipangabuhi naton ang gindtudlo sang tatlo ka hari./PB
[/av_textblock]
[/av_one_full]
