[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | BURON NGA PALAABUTON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni ROBERTO ‘BERT’ LADERA
[/av_heading]
[av_textblock size=” font_color=’custom’ color=”]
Monday, April 10, 2017
[/av_textblock]
[av_image src=’http://www.panaynews.net/wp-content/uploads/2017/04/Panugdaon-pic.jpg’ attachment=’102504′ attachment_size=’full’ align=’center’ styling=” hover=” link=” target=” caption=” font_size=” appearance=” overlay_opacity=’0.4′ overlay_color=’#000000′ overlay_text_color=’#ffffff’ animation=’no-animation’][/av_image]
[av_textblock size=” font_color=” color=”]
Maayo ang katuyuan sang programa nga paghatag sang libre nga edukasyon sa mga estudyante sa Quinto Distrito sang Iloilo. Makabulig ini sa ila sa pag-angkon sang edukasyon nga kinahanglanon sa pagpangita sang trabaho kag para sa ila mangin palangabuhian sa masunod nga mga dinag-on.
Naghimakas man ang mga kabataan sa paglaum nga sila ang makatapos sa pagtuon kag mangin masanag ang ila palaabuton.
Apang kaangay sang malain nga damgo nga nagabisita sa mahamuok kag manami nga katulugon, ang bangungot sang kapaltahan sa ila karon nagapakibang.
Makaluluoy ang kapin sa 27,892 ka mga estudyante nga nagsandig sa Iskolar sang Quinto program sa Northern Iloilo Polytechnic State College ukon NIPSC.
Kaangay nga ginpasaka sa puno sang kapayas kag gintapas, nagsalig sila sang lubos bangud sa pangako nga sila ang makaangkon sang libre nga edukasyon.
Sa paglipas sang panahon, nakatapos na ang kapin sa 1,000 ka estudyante apang indi sila mahatagan sang credentials ukon transcript of records nga ila kinahanglan ilabi na sa pagkuha sang mga pasinawan may kaangtanan sa ila kurso. Indi mahatag sang NIPSC bangud wala mabayaran ang masobra 74 milyunes pesos nga tuition fee para sa Iskolar sang Quinto program.
Nahibaluan nga ginpasalig ni former Congressman Niel Tupas Jr. ang nasambit nga scholarship program sadtong iya panahon samtang nagapangalagad sa iya distrito nga nasakupan.
Indi naton mabasol ang buluthuan bangud ang anay kongresista ang nagapasalig sa ila kag iya programa ang ginapatuman niya nga makabulig sa iya mga kasimanwa.
Indi naton mabasol ang mga estudyante nga ihatag ang pagsalig nila sa anay kongresista bangud sa kapigaduhon kag sa handom nga makatapos sang ila pagtuon.
Ang tanan nagsalig sa nagapasalig apang sila ang nawad-an sang kamalig.
Pahanumdom ini sa mga pulitiko nga kon may programa dapat pondohan sang husto kag indi pag-ipasalig ang palaabuton nga tuman pa ka buron. Tandaan sang mga pulitiko nga umalagi lang sila sa pwesto kag dapat sa kutob lang sang ila masarangan ang ila ipatuman kag indi pagpalabawan tubtub nga may yara sang mahul-an.
Indi na mabalik pa ang naglipas apang may mga padugi agud nga mapatahaw ang kahangawa kag kabalaka nga ginabatas sang mga estudyante.
Dapat magtingob, ipalanog ang tingog, agud nga mabatian sang Malakanyang ang masubo nga kahimtangan sang mga estudyante.
Indi dapat mabutang sa alang-alang ang sitwasyon sang mga estudyante nga mga inosente sa ginpanghimo nga kapaltahan sang mga nagpasalig sa ila.
Maayo lamang nga nagpangisog kag nagpanikasog ang liderato sang NIPSC paagi sa ila presidente nga si Dr. Ma. Theresa Gasapo Palmares agud nga mapaathag sa mga estudyante ang matuod nga sitwasyon, agud nga mapalab-ot sa mga natungdan ang matuod nga kahimtangan kag agud nga mabalikdan kag sila ang mabuligan sa ila palaligban.
Tion na nga magbulig ang CHED, DBM, Congressman Raul Tupas, kag iban pa nga may kabalaka nga ipalab-ot sa opisina ni Presidente Rodrigo Duterte ang palaligban sang mga estudyante kag sang NIPSC.
Sa pagbulig sang tanan, aton malikawan nga ila maagom ang buron nga palaabuton./PB
[/av_textblock]
[/av_one_full]
