[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | DAPAT NGA BALIKDON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni ROBERTO ‘BERT’ LADERA
[/av_heading]
[av_textblock size=” font_color=’custom’ color=”]
Wednesday, April 5, 2017
[/av_textblock]
[av_textblock size=” font_color=” color=”]
Madugay na nga tinuig nga wala gintalupangod sang lubos sang gobyerno sang syudad ang mga merkado nga nagapanguna nga palangabuhian sang madamo nga Ilonggo.
Gintalikdan sang pila ka tuig bangud sa mga problema nga mabudlay solusyunan. Ginlikawan nga hatagan sang pokus bangud sa nakita nga mangin daku nga kagastuhanan.
Gintalupangod man sang ulihi apang pagtalupangod nga nagtuga sang pamahog sa mga manugbaligya nga nagkahangawa nga mawad-an sila sang pwesto kag madulaan sang palangabuhian.
Manami man sadto ang plano agud nga solusyunan ang problema sa mga merkado apang ang solusyon wala nagasibu sa higayon, wala nagasantu sa pagkinahanglanon kag nagatuga lang sang dugang nga balakhuon.
Ginpasiplatan sang sining ulihi lang sang City Government ang duha ka dalagku nga merkado nga nahamtang sa City Proper Area nga amo ang Iloilo Terminal Market kag Iloilo Central Market.
Gintalupangod ang sahi sang palakat nga nagakatabu kag kon paano matapna ang indi husto nga mga patikang sa sulod sang merkado. Nangin epektibo ang pagsukot sa mga nagabayad, sa mga nagalikaw magbayad kag sa may mga daku nga balayran.
Natapna man ang kinawatay sang kuryente kag ang sikwawi nga mga gawi sa sulod sang merkado.
Apang sa talaksan, kabus sa gihapon ang ila naaguman. Madamo pa sang mga bagay nga dapat bag-uhon, mga bagay nga dapat imprubahon kag mga bagay nga dapat na sikwayon agud nga ang pagtin-ad sang merkado mapadayon.
Nangin kinaandan na sang bisan sin-o man ang magpadulong sa mga merkado, bisan sang sadto pa man kag sa karon nga panahon. Kabahin na ini sang matag-adlaw nga hilikuton sang tagsa ka panimalay nga magpadulong sa merkado kag magpamalaklon.
Apisar nga may mga grocery store sa mga dalagku nga mall, nga may matinlo nga salog, mabugnaw nga lugar, kag husto ang bug-at sa kiluhan, apang ang kalabanan sa merkado gid nagapanindahan.
Kabahin na ang merkado sa aton pagsinarayo. Dapat nga hatagan sang pagtamod sang gobyerno, paayuhon ang kahimtangan, dugangan sang pasilidad, kag magkonsulta sa mga nagabaligya kon ano ang ila masiling sa mga luyag ipatuman sang gobyerno. Kuhaon ang ila punto kag timbangon sa tinutuyo sang gobyerno agud nga mabalanse ang katuyuan kag ang kagustuhan.
Isa ka daku nga pasalamatan kon matigayon nga pahamtangan sang bag-o ukon kay-uhon ang mga kasilyas sang tanan nga merkado publiko.
Aprubado na sang gobyerno sang syudad ang plano sang City Engineer’s Office suno kay Local Economic Enterprises Office chief Ariel Castañeda kag ang tagsa ka comfort room may badyet nga 500 mil pesos.
Angay nga ibalik ang kinaandan nga pagsinarayo nga ang magpamilya naga-enjoy sa pagpamalaklon sa merkado kag ululupod nga nagakaon sa mga kiosko.
Tion na nga hatagan sang dungog kag ipabugal ang aton mga merkado nga nagapatimaan sang mga kinaiya kag duna nga pagkaon sang mga Ilonggo.
Ipabilin naton ang katinlo sa merkado kag isikway na ang hilikuton nga indi maayo.
Karon nga ginatalupangod sang gobyerno ang kahimtangan sang mga merkado gani indi kita magpabaya, aton nga ugyunan kag ang katungdanan dapat nga balikdon./PB
[/av_textblock]
[/av_one_full]
