[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | GRADO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI ROBERTO ‘BERT’ LADERA
[/av_heading]
[av_textblock size=” font_color=” color=”]
Wednesday, July 5, 2017
[/av_textblock]
[av_textblock size=” font_color=” color=”]
Magansal sa palamatin-an ang masami nga pamangkot kon pila ang grado nga ihatag sa una nga tuig sang pagpangalagad ni Presidente Rodrigo Duterte.
Madamo sang nagapamangkot kag madamo sang mga ginapamangkotan, ang kada isa nagahatag sang ila kaugalingon nga paglantaw sa mga nahimuan kag dapat pa nga himuon sang presidente.
Ang paghatag sang grado nagadepende sa nagalantaw kag sa nagahatag sini sa natungdan. Mataas ang grado nga ginhatag kon ang ginapamangkot amo ang mga kaalyado nga mga pulitiko, mga kapartido, mga yara nagapangalagad mismo sa gobyerno kag sa mga tawo nga nagapati sa maayo nga nahimuan sang administrasyon.
Indi naton malauman ang mataas nga grado kag pag-apresyar sa mga maayo nga nahimuan sang gobyerno kon aton pamangkuton ang mga nagasupak, nagapakamalaut, nagapabulag-bulag, kag nagapabungol-bungol sa sakripisyo kag paghimakas nga ginahimu sang gobyerno.
Wala na ako natingala nga kon magsinggitan ang mga ginasiling nga “progresibo nga grupo” nga napaslawan ang gobyerno sa ila kaugalingon nga paglanataw. Sadto pa man, wala sang gobyerrno nga matarong sa ila paglantaw, wala sang gobyerno nga matarong sa ila pagpati, kag wala sang gobyerno nga makasabat sang ila pagkinahanglan. Bangod kon magkumporme sila sa gobyerno kag wala sila sang sayop nga makita, mapanas ang ila kawsa kag adbokasiya. Madula sila sa linyada kag wala na sang may magahimu sang kinaandan nila nga hilikuton.
Dapat nga yara sila sa sina nga kahimtang, dapat indi sila magkumporme kag masami nga magsupak kag ipabati ang ila tingog kag panindugan agud magapabilin nga nagadabdab ang sulo sang ila kawsa.
Sa bahin sang mga pulitiko, may yara sang nagahatag sang mataas nga grado. Apang may nagasiling nga magapaiway lamang anay sa paghatag sang grado tubtob nga matapos na ang paghiwat sang State of the Nation Address sa Hulyo 24.
Kaangay ni Governor Arthur Defensor Sr. nga nagapaiway sa paghatag sang iya grado para sa nahimuan sang presidente apisar nga sang mga nagliligad sia ang masami nga nagahatag sang grado, sia ang una nga ginapadulongan sang mga katapo sang media bangod sa iya matigdas nga pahayag kag bangod sa kaalam sa paglantaw sa mga bagay angut sa pulitika kag pagdumalahan sa gobyerno.
Mayoriya sa mga ginapamangkotan nagasiling nga madinalag-on ang pag-away kontra sa ilegal nga droga, pag-away sa kriminalidad kag sa korapsyon. Nahatagan sang katumanan sang sini nga administrasyon ang promisa nga ginhimu sini sadtong eleksyon.
Nabatyagan ang hinali nga pagkunol sang krimen. Nagbatyag sang kakibang ang mga nagapahari-hari sadto sa mga dalan kag sa mga komunidad.
Bisan pa nga may nagaluntad sa gihapon nga krimen, nga halos indi malikawan bangod indi makontrolar ang balatyagon kag paminsaron sang tawo, apang nag-iwat ang pagluntad sini, nagtahaw ang kakulba sa dughan sang mga tawo kag naghatag sa ila sang kumpiyansa nga magpanglakaton sa dalan sa tion sang kagab-ihon ukon kaagahon.
Madamo sang mga bagay nga dapat konsiderahon sa paghatag sang grado, indi matakus ang nahimuan sang presidente sa isa lang ka tuig.
Ang kada tawo may panan-awan kag panindugan kag diri nasandig ang iya paghatag sang grado./PB
[/av_textblock]
[/av_one_full]
