[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | LIBRE NGA BULONG’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Monday, May 15, 2017
[/av_textblock]
[av_textblock size=” font_color=” color=”]
Tubtub karon tuman pa ka gamay ang nagamit sa pondo sang Lingap sa Masa nga libre nga bulong nga programa ni Presidente Rodrigo Duterte.
Ginpainan sang 138 million pesos ang Western Visayas apang wala pa masyado sang may nakatukib sang sini nga bulig para sa mga na-ospital.
Maagom lamang ang bulig gikan sa Western Visayas Medical Center kon sa diin masami ginapadangat ang mga pigado naton nga mga utod nga nagakawad-an sang pinansyal agud nga isustenir sa ila kinahanglanon medikal kag kasambot sang kwarta sa pagbakal sang mga bulong.
Masarangan sang programa nga abagahon ang tubtub 75 mil pesos nga balor sang bulong sang isa ka na-ospital nga pasyente, magluwas pa sa kon ano ang iya mahimo maagom nga benepisyo gikan sa iya nga PhilHealth.
Ang pondo para sa Lingap sa Masa ang gikan sa Presidential Social Fund. Pinasahi ini nga programa ni Presidente Rodrigo Duterte nga naga-ulikid sa mga ginakulabos sang kwarta kag nagaagwanta sa ila pagka-ospital.
Nakahibalo kita kon ano ka daku nga palaligban kon ang isa ka katapo sang pamilya ang magbalatian ukon mabutang sa emerhensya. Daku nga sablag ang matuga sa aton balatyagon kag paminsaron kon may ma-ospital sa aton.
Mahimo nga kulang sa pagpaalinton, wala pa sang ideya, ukon masami nagadalagan ang mga himata sa mga istasyunan sang radyo agud nga magpangayo sang bulig rason nga wala nagasulod sa ila pinsar ang gilayon nga magpadulong sa nagakaangay nga persona nga yara sa ospital agud nga maagom ang ini nga benepisyo.
Madamo pa sang wala sang ideya kon paano makaambit sa sini nga benepisyo nga bisan ang outpatients sang WVMC ang mahimo makaagom sang libre nga bulong paagi sa sini nga Lingap sa Masa.
Aton buligan nga mapaalinton ang programa, sa sini nga paagi makabulig na kita, agud nga mas madamo ang mabuligan kag magamit sang lubos ang pondo nga gintigana para sa sini nga katuyuan.
Sa idalom sang Lingap sa Masa, ang mga pigado nga Filipino nga na-confine ukon out-patient gikan sa WVMC nga nagakinahanglan sang bulong ang kwalipikado nga mangin benepisyaryo.
Hatagan sang prayoridad ang mga pamilya ukon mga indibidwal nga pigado ukon wala sang ikasarang, ang yadtong yara sa informal sector kag pigado base sa DSWD Listahanan, ang yadtong yara sa krisis nga sitwasyon base sa paghibalo sang social worker, sa mga yadtong empleyado sang gobyerno kag mga contract of service workers sa gobyerno kag mga benepisyaryo sang mga suldado kag pulis nga napatay ukon nasamaran samtang yara sa katungdanan.
Angay lamang nga magpakig-angot sa DSWD Social Worker sa WVMC agud nga magiyahan sa kon ano ang himuon agud nga maagom ang ini nga benepisyo.
Makita naton ang kahulugan sang ginahimo sang presidente nga pagpabakod sa aton balatyagon, sa paghangkat sa aton nga magpangisog kag magtindog sa aton kinamatarong bangud paagi sini aton mabuligan mismo ang aton kaugalingon.
Buligan naton ang aton kaugalingon paagi sa pagtindog kag sa pagtultol sa palaagyan paano kita makaambit sang libre nga bulong./PB
[/av_textblock]
[/av_one_full]
