[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | MAMUMUGON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni ROBERTO ‘BERT’ LADERA
[/av_heading]
[av_textblock size=” font_color=’custom’ color=”]
Monday, May 1, 2017
[/av_textblock]
[av_textblock size=” font_color=” color=”]
Kaadlawan karon sang tanan nga mamumugon, pagdumdom sa tanan nga mga nagapangabudlay kag sa mga tagtib-ong sang aton ekonomiya padulong sa masulhay nga kauswagan.
Sa kinaandan, ang Labor Day ginasaulog sang gobyerno paagi sa pagtalupangod sa kahimtangan sang mga mamumugon, sa pagtan-ay sang trabaho kag higayon nga mabatak ang ila kahimtangan gikan sa kapigaduhon.
Adlaw man ini sa pagpahayag sang mga mamumugon sa ila ginademanda sa gobyerno, sa pagtalupangod sa mga patakaran nga supak sa kinamatarong kag interes sang mga mamumugon.
Lauman naman naton ang pagmartsa nila sa dalan agud nga ipahayag ang ila hibubun-ot, ipautwas ang nabatyagan nga kasakit sa ila buot, kag pagsikway sa mga patakaran nga kontra sa mamumugon.
Higayon man ini nga isinggitan nga balikdon ang mga benepisyo nga para sa mga mamumugon kag hatagan sang disente nga sweldo nga angay sa ila ginahatag nga kabudlay kag serbisyo.
Kinaandan nga mga hilikuton, kinaandan nga mga lalantawon sa tagsa ka ginasaulog ang Labor Day.
Ginpasalig sang Malakanyang nga may dugang nga benepisyo pinansyal nga nagahulat sa mga maumugon sa sini nga adlaw.
Ginreport ni Labor Secretary Silvestre Bello III nga bilang Labor Day gift sa mga mamumugon sa bug-os nga pungsod, natalana nga maghatag sa ila sang dugang nga benepisyo si Presidente Rodrigo Duterte.
Bisan pa sa sini nga pasalig, padayon nga nagasinggitan ang grupo sang mga mamumugon nga dugangan ang sweldo bangud sa padayon man nga nagasaka nga balor sang mga nagapanguna nga balaklon kag mga kinahanglanon sang tagsa ka panimalay.
Matuod gid man nga kon indi kita maghimakas sang doble, indi kita makakita sang sibu sa aton kinahanglanon sa karon nga panahon. Madamo sang mga bagay nga ginatan-ay ang aton sosyudad, aton kalibutan nga ginahulagan, magluwas sa pagkaon, tubig, balay kag biste nga nagapanguna naton nga kinahanglanon.
Mas bagay nga aton iduso, updan kag itib-ong ang aton interes bilang mga mamumugon. Apang indi kita maglabaw sa nagakadapat, bangud nga kon maputo ang mga negosyante, una nila nga salbaron ang ila kaugalingon, manggad kag propyedad rason nga mabilin sa tabtaban ang mga mamumugon. Madulaan sang obra, mawad-an sang pangita kag indi makabakal sang iya kinahanglanon.
Samtang nagaupod kita sa pagtib-ong sa aton interes bilang mga mamumugon, aton man lantawon kon ano ang sahi sang aton pagsinarayo, sang aton kinaandan nga gawi, kon bala may angay kita nga bag-uhon ukon ligwaton nga magsibu lang sa aton karon ginaganar.
Nagabatyag lang sang kabudlay ang mamumugon kon labaw ang iya gasto kaysa sa iya ginaganar. Kag indi naton mapilit ang mga bagay nga wala kita sang kontrol, nga ang aton mahimo amo lang ang magpangabay.
Sa nasiling na, kon tun-an naton ang aton pagsinarayo kag magpangabuhi santu sa aton ginaganar, wala sang daku nga problema kita nga atubangon.
Kahibalo kita nga ang luyag sang isa ka tawo wala sang kaayawan, kag nagaganoy ini sa iya sa pagpangutang.
Kon ipasibu naton ang aton kinahanglanon sa aton nga kita, kag kon indi kita maghangad sang labaw, mangin matawhay ang kabuhi naton bilang mamumugon./PB
[/av_textblock]
[/av_one_full]
