[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | MORTAL’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=’custom’ color=”]
Wednesday, April 12, 2017
[/av_textblock]
[av_image src=’http://www.panaynews.net/wp-content/uploads/2017/04/Panugdaon-pic.jpg’ attachment=’102504′ attachment_size=’full’ align=’center’ styling=” hover=” link=” target=” caption=” font_size=” appearance=” overlay_opacity=’0.4′ overlay_color=’#000000′ overlay_text_color=’#ffffff’ animation=’no-animation’][/av_image]
[av_textblock size=” font_color=” color=”]
Nagalipas ang panahon apang wala nagakapanas ang aton tradisyon, mga kinaandan nga gawi nga may epekto sa aton pagsinarayo kag padayon naton nga ginasaulog.
Bisan pa may mga gamay nga pagligwat sa aton naandan nga ginabuhat apang nagapabilin ang esensya sang aton nga pagdumdom.
Liwat kita nga nagahanduraw sa mga tinion kon paano ang aton Manunubos naghalad sang iya kaugalingon sa krus lamang nga sa kasal-anan kita ang matubos.
Nagabalik kita sa paminsaron nga ang aton kabuhi mas malahalon kaysa sa mga materyal nga bagay, labaw kaysa sa anuman nga aton ginahuptan kag ginakakunyagan.
Nagahatag kita sang balor sa aton pagpangabuhi bilang mga Kristiyano nga dapat mangin maalwan, mangin mabinuligon, mangin mapinatawaron, kag handa nga magsakripisyo para sa isig-kapareho.
Nangin masaku kita sa pagpangita sang aton palangabuhian, nabuyo kita sa kaugalingon naton nga paghimakas nga nagaresulta sa malaka nga tion nga makaupod naton ang aton mga pamilya, mga suod nga abyan, kag mga sinadto nga kakilala.
Naganyat kita sa kompetisyon sang kabuhi. Nagapaindis-indis sa pagtukod sa pangabuhi, nagahimakas nga makatipon sang manggad, nagahandom nga makapasad sang balay, nagakayaba sang lubos agud nga makabakal sang salakyan, sang kagamitan, kag sang mga makabag-o nga kagamitan nga produkto sang teknolohiya.
Samtang nagahapos ang komunikasyon, nagalayo ang balatyagon, malaka ang pagsugilanon, nangin hapaw ang paghatag sang atensyon.
Matuod nga mahapos ang pagpakig-angot paagi sa teknolohiya, apang nagahapaw kag kabus sa pagtudok ang aton karon gina-eksperyensya.
Dapat naton dumdumon nga ang tanan nga bagay umalagi, may yara sang katapusan kag indi magpabilin sa katubtuban. Sa paglipas sang panahon, magabag-o ang mga bagay kag mas nagalabaw sa mas mahimo sang tawo apang wala ini sang balatyagon nga magbatyag sa imo.
Sa karon nga semana santa, dapat naton nga ibalik sa husto nga perspektibo ang aton kabuhi, kon ano ang aton papel sa sining kalibutan kag kon ano ang aton malahalon nga katungdanan.
Lantawon naton ang aton nadangatan sa karon kag balikan ang panahon sang aton ginsuguran, tuman na ka layo, tuman na ka lawig sang panahon, apang sa tunga sang aton ginhalinan kag nadangatan, ano ang aton na-eksperyensyahan?
May mga maayo bala nga bagay nga kita nga nahimo sa aton kabuhi bilang mga tinuga sang Diyos. Nahatagan bala naton sang tul-id nga kahulugan ang aton pag-igsister sa sini nga kalibutan? Ukon kaangay man kita sang rurok nga ginaanod sang daludo sang malubog nga tubig gikan sa suba padulong sa ibwangan kag ibuslog sa baba sang lawod?
Nagalipas ang panahon nga puno sang pagtilaw, puno sang pagsulay kag puno sang paghaylo. Napabilin mo bala ang imo kaugalingon nga mapag-on samtang ginahampak ka sang balud sang panahon? Wala bala napalid ang imo panghuna-huna sa kamadlos sang moderno nga pagsinarayo? Wala ka bala nalumos sa mga gadget kag iban pa nga produkto sang teknolohiya?
Kahigayunan naton nga pangitaon ang kahulugan sang aton kabuhi sa sini nga semana santa.
Kaangay sang dahon kita man ang malaya, mahulog sa duta, kag madunot gani indi pagkalimtan nga ikaw kag ako lunsay mga mortal./PB
[/av_textblock]
[/av_one_full]
