[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Delikado nga selebrasyon sang pila ka pulis
DAKU gid ang pagpasalamat sang tanan kay indi gid man madamo ang nasamaran kag napatay sang pag-selebrar diri sa pungsod sang pagbulag sang tuig pasulod sa 2018 i-kumparar sadtong nagligad nga tuig 2017.
Sa kabug-usan, sunu sa record sang Department of Health (DOH) halin Disyembre 21, 2017 tubtub Enero 2, 2018, 191 lang ang nasamaran sa pagpalupok sang firecracker, samtang mga 604 gid ang kadamuon sini sa amo man nga tion sang nagligad nga tuig.
In other words, mga 68 ka porsyento gid ang nabuhin sa mga nasamaran i-kumparar sadtong nagligad nga selebrasyon.
Sunu kay DOH Secretary Francisco Duque III, 115 sa mga nasamaran halin sa National Capital Region. Ang iban nga rehiyon nga may madamo man sing nasamaran amo ang Western Visayas nga may 15 kag ang Central Luzon, Calabarzon kag Bicol nga may 13 kada isa sa ila.
Ugaling, samtang nagnubo ang numero sang nasamaran sa palupok, mas madamo naman ang na-aresto nga mga pulis, lakip ang mga soldado, sa sining tuig nga selebrasyon, nga nagpalupok sang ila luthang, sunu mismo ky PNP chief, Director General Ronald dela Rosa.
Siling niya, mga 26 gid sining mga pulis kag myembro sang AFP ang nadakpan sini halin sadtong Disyembre 16, 2017 tubtub Enero 2, 2018.
Sobra pa gid seguro ang may subong nga kasal-anan. Man wala na gin-requirer nga butangan tape ang punta sang ila mga pusil kag, tungod sini, indi na mahibal-an kon sin-o ang nagpalupok pa halin sa wala ma-tape nga punta sang pusil.
Sa matandaan ta, ginpabutyag sadto ni PNP chief dela Rosa nga ang mga pulis nga ini ma-dismiss sa ila serbisyo tungod sa sining kasaypanan. Tan-awon ta abe kon matuman ini ni PNP chief dela Rosa.
Basi hagud-hagod lang sang likod ang matabo, kay daw palangga ta gid kaayo ang mga pulis bisan pa ang mga hurong kag maik.
-0-0-0-
Ngaa ayhan nagnubo ang nasamaran sang palupok sa sining pag-selebrar sang bag-ong tuig 2018?
Ina tungod seguro kay madamo na sa aton ang nagliwat sang aton ginawi sa pag-selebrar sang Bag-ong Tuig halin sa palupok pakadto sa iban nga klase sang pagginahud kag pagsinadya agud masug-alaw ang Bag-ong Tuig.
Bisan ang bayaw ko kag halos tanan namon nga mga kasilingan nga sadto huyog man magpalupok sang firecracker, nag-enjoy na lang sa pagtililipon sang mag-pamilya, nagkinaon-kaon, nag-social drinking kag naghimo sang gahod paagi sa torotot, pagpatik sang ano man nga bagay, nagsinadya kag naghinugyaw na lang sang pag-abot sang tungang gab-i.
Ang pila gani ka mga lupok sang firecracker wala na namon nabatian tungod sang amon pagsinadya kag paghinugyaw sa amon panimalay sa sulod sang malawig-lawig man gawa nga mga minuto bag-o kag pagkatapos sang tungang gab-i.
Matudlo pa gid seguro bilang rason sang pagpa-iway sang madamo sa pagpalupok amo ang gin-pagwa ni Presidente Duterte nga executive order nga naga-limite sang pagpalupok sang indi gawa matunog nga mga palupok kag ang pagpatigayon lang sang community fireworks sa mga designated areas.
Diri sa siyudad sang Iloilo, bilang sa pagsunod sang executive order sang Presidente, si Mayor Espinosa, upod sa mga opisyales sang mga barangay kag mga pulis, nagtugot lang sang pagpalupok sa mga plaza kag hilway nga lugar sa mga barangay agud mapa-iway ang kahalitan.
Of course, wala gid man magsunod ang tanan nga pumuluyo sa ginpanugyan sang gobyerno. May nagpalupok gani sang daw bomba katunog kag sang alandaman nga firecracker nga piccolo, nga amo gihapon ang ginbangdan sang mas madamo nga kahalitan.
Sa nasiling ta n sa una nga pabutyag, mga 26 gid ka mga pulis kag soldado ang nagpasaway paagi sa ila pagpalupok sang ila mga luthang nga tani ginadumilian.
Ti, paano ta abe masaligan ang ining aton mga alagad sang banwa nga samtang sila tani ang aton tagpangapin, apang amo pa ang nagadulot sang kakibang sa aton sa ila makahalalit nga pagpasaway?/PB
[/av_textblock]
[/av_one_full]
